Мусобиқаи волейбол миёни бонувон барои дарёфти «Ҷоми Раиси шаҳри Душанбе» ҷараён дорад
ДУШАНБЕ, 15.02.2021 /АМИТ «Ховар»/. Дар толори Муассисаи давлатии «Қасри теннис ва Маҷмааи варзиши обӣ»-и шаҳри Душанбе мусобиқа барои дарёфти Ҷоми Раиси шаҳри Душанбе миёни 40 дастаи волейболи касбӣ ва ғайрикасбӣ байни бонувони вазорату кумитаҳо ва ташкилоту муассисаҳо ҷараён дорад. Дастаҳо то 6 март қувваозмоӣ намуда, маросими ҷамъбасти мусобиқа дар арафаи Рӯзи Модар дар назар дошта шудааст. Ғолибон бо ҷом, мукофотҳои пулӣ ва сипосномаву ифтихорномаҳои мақомоти иҷроияи ҳокимияти давлатии шаҳри Душанбе қадрдонӣ карда мешаванд.
Тавре аз шуъбаи иттилооти мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд, дар мусобиқаи мазкур 40 даста давоми як моҳ байни ҳам рақобат мекунанд. Аз ин шумора 32 дастаи ғайрикасбӣ аз ҳисоби бонувони вазорату кумита ва ташкилоту муассисаҳои ҳудуди пойтахт ва 8 дастаи касбӣ аз ҳисоби бонувони ВМКБ, вилоятҳои Суғду Хатлон, ноҳияҳои тобеъ ва шаҳри Душанбе мебошанд.
Мусобиқаи мазкур бо дастгириҳои бевосита ва дар асоси қарори марбутаи Раиси шаҳри Душанбе аз 8 феврали соли 2021 бо мақсади ташвиқу тарғиб, таъмини оммавияти варзишу солимгардонӣ, тарғиби тарзи ҳаёти солим миёни бонувон, рушди намуди волейбол, дар сатҳи баланд таҷлил намудани Рўзи Модар ва истиқболи ҷашни 30-солагии Истиқлоли давлатии мамлакат доир карда мешавад.
Ёдовар мешавем, ки мусобиқаи волейбол миёни бонувон бо ташаббуси бевоситаи Раиси шаҳри Душанбе соли панҷум аст, ки гузаронида мешавад. Бори аввал соли 2017 миёни 17 даста рақобат сурат гирифт, ки дар натиҷа дастаи волейболбозони Раёсати тандурустии мақомоти иҷроияи ҳокимияти давлатии шаҳри Душанбе сазовори ҷойи аввал гардида буд.
Соли 2018 дар ин мусобиқа 19 даста иштирок намуданд ва ғолибият насиби дастаи Бонки миллии Тоҷикистон гардид. Соли 2019 22 даста аз миёни бонувони кишвар бо ҳам рақобат намуданд, ки зинаи аввал насиби дастаи волейболбозони ВМКБ гардид.
Сол то сол шумораи иштирокчиёну хоҳишмандони мусобиқаи волейбол меафзояд. Соли 2020 дар мусобиқаи волейбол миёни бонувон 25 даста барои дарёфти «Ҷоми Раиси шаҳри Душанбе» рақобат намуданд, ки дар натиҷа ғолибият насиби дастаи волейболбозони Донишгоҳи славянии Тоҷикистону Россия гардид.
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
