Номи чор паҳлавони тоҷик ба 20-гонаи беҳтаринҳои ҷаҳон ворид гардид
ДУШАНБЕ, 15.02.2021 /АМИТ «Ховар»/. Чор нафар узви дастаи мунтахаби Тоҷикистон оид ба гӯштин шомили 20-гонаи беҳтаринҳои ҷаҳон шуданд. Иттиҳоди ҷаҳонии гӯштин (UWW) раддабандии бозбинишудаи беҳтаринҳои ҷаҳонро нашр кард, ки номи чор варзишгари тоҷик – Ҳикматулло Воҳидов, Муҳаммад Икромов, Искандари Рустам ва Мубинҷон Ахмедов низ ба 20-гона ворид шудааст. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Мавқеи беҳтарро миёни паҳлавонони тоҷик Муҳаммад Икромов дорад. Ӯ дар раддабандии вазни 61кг-и гӯштини тарзи озод ҷои 12-умро сазовор шудааст. Ҳикматулло Воҳидов дар ҷои 13-уми вазни 57кг-и ҳамин равия мавқеъ дорад. Паҳлавони шинохтаи кишвар Искандари Рустам ҷои 17-уми вазни 97кг-ро гирифтааст. Дар равияи гӯштини юнонӣ-римӣ як нафар варзишгари мо – Ахмедов Мубинҷон ба 20-гона ворид гардидааст. Ӯ дар ҷои 20-уми вазни 63кг ҷой гирифтааст.
Ёдовар мешавем, ки ин чор варзишгари тоҷик соли гузашта дар Чемпионати Осиё сазовори медал шуда буданд. Ҳикматулло Воҳидов ва Муҳаммад Икромов медали нуқра, Искандари Рустам ва Мубинҷон Ахмедов медали биринҷиро соҳиб шуданд. Муҳаммад Икромов инчунин охири соли 2020 дар Ҷоми ҷаҳон, ки дар шаҳри Белгради Сербия доир шуд, ҷои панҷумро сазовор гашт.
Миёни онҳо ҷиҳати омодагӣ барои ба даст овардани роҳхати Бозиҳои олимпии Токио-2020 Муҳаммад Икромов ва Мубинҷон Ахмедов аз дастгирии молиявии Кумитаи миллии олимпии Тоҷикистон бархурдоранд.
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
