Ғолибони озмуни шаҳрии «Ҳунарҳои ороишӣ аз санг» дар пойтахт муайян шуданд
ДУШАНБЕ, 11.02.2021 /АМИТ «Ховар»/. Имрӯз дар шаҳри Душанбе даври шаҳрии озмуни «Ҳунарҳои ороишӣ аз санг» бо ибтикори мақомоти иҷроияи ҳокимияти давлатии шаҳри Душанбе баргузор гардид. Баъди азназаргузаронии маҳсулоти пешниҳодшуда ҷойи аввал дар номинатсияи «Корхонаи саноатӣ» ба ҶДММ “Рухом” ва ҷойи дуюм дар ҳамин номинатсия ба ҶДММ «Асрори санг» дода шуд. Дар номинатсяи «Ҳунарманди касбӣ» бошад ғолиб Манучеҳр Саидов намояндаи н.И. Сомонӣ дониста шуда, ғолиби номинатсияи «Ҳунарманд» бошад, Бобоев Маҳмуд намояндаи н. Фирдавсии пойтахт интихоб гардид.
Тавре аз мақомоти иҷроияи ҳокимияти давлатии шаҳри Душанбе ба АМИТ “Ховар” иттилоъ доданд, дар маросими ифтитоҳи озмун муовини Раиси шаҳри Душанбе Мавсума Муинӣ аз аҳамияти ин барномаи фарҳангӣ — сайёҳӣ дар таърихи навини мамлакат маълумот дода, аз иштирокчиёни озмун даъват ба амал овард, ки дар муаррифии имконияти сайёҳии кишвар, бахусус пойтахт – шаҳри Душанбе саҳм гузоранд.
Зикр шуд, ки бо ташаббуси Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри рушди соҳаи сайёҳӣ, ҷалби бештари сайёҳон ба мамлакат ва муаррифии давлат дар арсаи ҷаҳон солҳои 2019 – 2021 Солҳои рушди деҳот, сайёҳӣ ва ҳунарҳои мардумӣ эълон карда шудаанд.
Бояд тазаккур дод, ки озмуни «Ҳунарҳои ороишӣ аз санг» бо мақсади дарёфти истеъдодҳои нави соҳаи сангтарошию ороишӣ, рушди минбаъдаи малакаву маҳорати касбии мутахассисони соҳа, тақвият бахшидан ба касбияти баланди ҳунари ороишиву сангтарошӣ, инчунин ҷалби бештари сайёҳони хориҷӣ ба кишвар ва тарғибу ташвиқи анъанаҳои арзишманди миллию мероси пурғановати ниёгон ба муносибати сазовор пешвоз гирифтани ҷашни 30-солагии Истиқлоли давлатии Ҷумҳурии Тоҷикистон гузаронида мешавад.
Дар даври шаҳрии озмун довталабоне, ки дар даври ноҳиявӣ ғолиб гардида буданд, иштирок намуда, ба ҳайати ҳакамон ва меҳмонон маҳсулоти омоданамудаи худро муаррифӣ намуданд.
Дар анҷом ба ғолибон мукофот ва диплому сипосномаҳои мақомоти иҷроияи ҳокимияти давлатии шаҳри Душанбе супорида шуданд.
Дар асоси қарори Раиси шаҳри Душанбе Клуби «Волонтёрони экологӣ» таъсис дода шуд
Ҳаракати воситаҳои нақлиёт дар ҳалқаи кӯчаи Дӯстии халқҳо пайваст ба кӯчаи Меҳнат муваққатан қатъ мегардад
«ТУ ҚАЛБИ ТОҶИКИСТОНӢ, ДУШАНБЕ!». Озмуни шаҳрии шеър ва суруди беҳтарин оғоз мегардад
Ҷаласаи навбатии Шурои Маҷлиси намояндагон баргузор шуд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
ТАНБАШАВИИ РОҲ. Барои аз байн бурдани ин мушкилӣ чӣ бояд кард?
Дар Душанбе барои таҷлили Рӯзи Президенти Ҷумҳурии Тоҷикистон омодагӣ мебинанд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
Дар Душанбе барои таҷлили Рӯзи Конститутсияи Ҷумҳурии Тоҷикистон омодагӣ мебинанд
ОБ ЗАХИРА НАМОЕД! Дар баъзе маҳаллаҳои шаҳри Душанбе интиқоли оби нӯшокӣ қатъ мегардад
«ШАҲРҲОИ ОЯНДА: БЕХАТАР, САБЗ ВА ҲУШМАНД». Дар ҷаласаи махсуси Форуми «Dushanbe Invest – 2025» 17 созишнома ва ёддошти тафоҳум ба имзо расид
Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
