СААД нақша дорад соли 2021 тақрибан ҳашт машқи калон – аксарашон дар қаламрави Тоҷикистон баргузор намояд
ДУШАНБЕ, 03.02.2021 /АМИТ «Ховар»/. Созмони Аҳдномаи амнияти дастаҷамъӣ (СААД) нақша дорад, ки соли 2021 тақрибан ҳашт машқи калон — аксарашон дар қаламрави Тоҷикистон баргузор намояд. Тавре АМИТ «Ховар» хабар медиҳад, дар ин бора дирӯз Дабири кулли СААД Станислав Зас ба ТАСС гуфт.
«Ман танҳо дар бораи машқҳои калон гуфта метавонам, мо тақрибан ҳашт машқ дорем», — гуфт Зас дар посух ба суол оид ба он ки чанд машқ имсол ба нақша гирифта шудааст.
Ба гуфтаи Дабири кулл, аксари онҳо дар қаламрави Тоҷикистон баргузор мешаванд, зеро ин давлат соли 2021 Созмонро раисӣ мекунад. Аз ҷумла, машқҳои миқёсан калон бо неруҳои вокуниши сареъи дастаҷамъӣ, қувваҳо ва воситаҳои иктишофӣ ва ғайра ба нақша гирифта шудаанд.
Зас инчунин гуфт, ки Афғонистон манбаи ҷиддии таҳдидҳои террористӣ ба амнияти минтақа боқӣ мемонад.
«Афғонистон ҳамчунон манбаи таҳдиди ҷиддии террористӣ боқӣ мемонад. Дар нимаи дуюми соли гузашта дар он ҷо зиёда аз 50 амали террористӣ содир карда шуд, тақрибан 4 ҳазор нафар ҷароҳат бардоштанд », — гуфт ӯ.
Дабири кулли Созмон тазаккур дод, ки СААД ва СААШ ҳоло ҳатто дар сатҳи корӣ ҳеҷ гуна иртибот надоранд, аз ин рӯ дар бораи барқарор кардани муносибатҳо ҳарфи гуфтанӣ нест.
«Барои аз сар гирифтани муносибатҳо онҳо бояд вуҷуд дошта бошанд. Ҳоло мо дар асл бо СААШ ягон иртибот надорем, ҳеҷ гуна ҳамкорӣ ҳам вуҷуд надорад. Ҳатто дар сатҳи корӣ. Аз ин рӯ, ҳеҷ зарурате дар бораи аз сар гирифтани онҳо вуҷуд надорад», — гуфт Зас.
АКС аз ТАСС
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
