СЕ БАРОБАР КОҲИШ ЁФТ. Пандемия ба сайёҳии дохилии Тоҷикистон зарбаи сахт расонид

Февраль 12, 2021 14:01

ДУШАНБЕ, 12.02.2021 /АМИТ «Ховар»/. Туризми дохилӣ дар Тоҷикистон соли 2020 дар муқоиса бо соли 2019 се баробар коҳиш ёфт. Тавре АМИТ «Ховар» бо истинод ба агентии «Спутник» хабар медиҳад, раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода имрӯз дар ин бора зимни нишасти матбуотӣ дар Душанбе изҳор намуд.

«Агар солҳои қаблӣ туризм тақрибан 0,3% ММД-и кишварро ташкил медод ва ба 2-3 миллион доллар баробар буд, пас соли гузашта ин рақам ба таври назаррас коҳиш ёфт», — гуфт ӯ.

Ба гуфтаи ӯ, имрӯз ширкатҳо намедонанд, ки дар чунин шароит чӣ гуна рушд намоянд. «Дар соли 2019 шумораи сайёҳони дохилӣ 403 ҳазор нафар ва дар соли 2020 ҳамагӣ 185,6 ҳазор нафарро ташкил дод», — зикр намуд мавсуф.

Сабаби асосии коҳиши туризми дохилӣ, ба гуфтаи Т.Ҷӯразода, пеш аз ҳама, пандемияи коронавирус мебошад. Маҳз он ба саноати сайёҳӣ зарбаи сахт зад: меҳмонхонаҳо, истироҳатгоҳҳо, муассисаҳои хӯроки умумӣ баста шуданд, ҳунармандони ватанӣ, ки наметавонанд маснуоти худро фурӯшанд ва ризқу рӯзӣ ба даст оранд, сахт зарар диданд. Баъзе хидматрасониҳо дар соли гузашта комилан нолозим ва баста шуданд. Масалан, танҳо 10 хона сабт шуда буд, ки мехостанд сайёҳонро бо манзил таъмин кунанд, вале соли 2020 аз онҳо қариб нишон ҳам намондааст.

Ёдовар мешавем, ки дар Тоҷикистон 283 иншооти сайёҳӣ, аз ҷумла 188 меҳмонхона, 26 хобгоҳ, 45 осоишгоҳ, 8 маркази табобатӣ ва 10 хонаи истироҳат мавҷуд аст. Илова бар ин, як пансионат, кемпинг, чор пойгоҳи  сайёҳӣ сабти ном шудаанд. Тибқи иттилои вазорат, соли 2020 32 иншооти сайёҳӣ ва 1 хона барои сайёҳон ба қайд гирифта шудаанд.

                                                           АКСҲО аз АМИТ «Ховар»

Февраль 12, 2021 14:01

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд