Шеърҳои шоири тоҷик Абдуқаҳҳори Қосим дар китоби «Маҷмӯаи асарҳои шоирони бузурги ҷаҳон» ҷой дода шуданд

Февраль 17, 2021 15:40

ДУШАНБЕ, 17.02.2021 /АМИТ «Ховар»/. Китоби «Маҷмӯаи асарҳои шоирони бузурги ҷаҳон» дар Ҷумҳурии Мардумии Чин аз чоп баромад, ки дар он дар қатори намояндагони манотиқи гуногуни дунё чакидаҳои хомаи ҳамраиси Шӯрои адабии Ассамблеяи халқҳои Авруосиё, ҳамоҳангсози Итииҳоди байналхалқии шоирон барои сулҳ ва озодӣ шоир, рӯзноманигор ва ходими ҷамъиятӣ Абдуқаҳҳори Қосим ҷой дода шудаанд.

Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, дар ин маҷмӯа тарҷумаи ҳол ва 9 шеъри Абдуқаҳҳори Қосим аз ҷониби профессори Донишгоҳи Осиё, сармуҳаррири маҷаллаи адабии «Reading, Writing and Learning», сафири ИМА оид ба фарҳанги Чини Бузург «Inner Child International», муҳаррири адабии маҷаллаи байналмилалии «Муколамаи муосир» дар Македония Тсай Земин ба забони чинӣ тарҷума шуда, пешниҳоди хонандагон гардидаанд.

Чакидаҳои хомаи шоири меҳанпараст Абдуқаҳҳори Қосим то имрӯз ба забонҳои англисӣ, испанӣ, чинӣ, фаронсавӣ, немисӣ, сербӣ, ҳиндӣ, португалӣ, банголӣ, полякӣ, туркӣ, озарбойҷонӣ, форсӣ, туркманӣ, қирғизӣ ва ғайра тарҷума шуда, дар антологияи (тазкираи) Нависандагони муосири Авруосиё 2019-2020, дар антологияи «Поэтикӣ», Садои шоирони ҷаҳон-2020 «Мексика», антологияи шоирон аз 103 давлати дунё – «Хотираҳо аз ҷашнвораи 30-юми байналмилалии шеъри «Меделлин» – Колумбия (Memorias del 30º Festival Internacional de Poesía de Medellín», антологияи «Гогёшии ҷаҳон», «World of Gogyoshi»- Япония, «Антологияи шоирони ҷаҳон»- Непал ва маҷаллаҳои Иёлоти муттаҳидаи Амрико, Чин, Россия, Украина, Туркия, Озарбойҷон, Бангладеш, Полша, Руминия, Ҳиндустон ва ғайра инъикос гардидаанд.

Абдуқаҳҳори Қосим айни ҳол дар шаҳри Турсунзода зиндагӣ мекунад ва ният дорад бо ашъораш дар ҷашнҳои 30-юмин солгарди Истиқлоли давлатии Тоҷикистон ва 110-солагии Қаҳрамони Тоҷикистон устод Мирзо Турсунзода саҳми арзанда гузорад.

Ёдовар мешавем, ки соли 2020 шеъри «Бешаи анбӯҳи андеша»-и шоири тоҷик Абдуқаҳҳори Қосим дар «Озмуни телевизионии шеъри рӯзномаҳои ҷаҳон», ки дар шаҳри Пекини Чин баргузор гардид, таҳти унвони «Ғолибони барҷаста» («The Outstanding Winners») соҳиби Шоҳҷоизаи озмун гардид. Инчунин дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта шуд, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд.

Февраль 17, 2021 15:40

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад