Ширкатҳои сайёҳии Тоҷикистон ва Ҳиндустон дар доираи баргузории Форум табодули таҷриба менамоянд
ДУШАНБЕ, 26.02.2021 /АМИТ «Ховар»/. Интизор меравад, ки ояндаи наздик Форуми ширкатҳои сайёҳии Тоҷикистон ва Ҳиндустон дар шакли маҷозӣ доир шавад, ки дар он масъалаҳои марбут ба таҳкими ҳамкории сайёҳӣ байни ду кишвар баррасӣ гарданд. Чунин зикр шуд дар мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода бо Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Вираҷ Сингҳ.
Аз Кумитаи рушди сайёҳӣ ба АМИТ «Ховар» иттилоъ доданд, ки дар мулоқот масъалаҳои марбут ба тавсеаи ҳамкории Тоҷикистон ва Ҳиндустон дар бахши сайёҳӣ матраҳ гардида, атрофи масъалаҳои густариши муносибатҳои дуҷониба дар соҳаи сайёҳӣ табодули афкор сурат гирифт. Сафири Ҳиндустон ҳавасмандии кишварашро барои тақвияти ҳамкорӣ дар рушди самтҳои гуногуни сайёҳӣ, аз ҷумла сайёҳии таърихию фарҳангӣ, кӯҳнавардию солимгардонӣ изҳор намуд.
Зикр шуд, ки ду кишвари дӯстро аз қаъри асрҳо фарҳангу анъанаҳои муштарак бо ҳам пайваст менамоянд. Ба роҳ мондани омӯзиши мутахассисони тоҷик дар самти идоракунӣ, технологияи иттилоотӣ, рушди соҳибкорӣ ва сайёҳӣ идомаи равобити муштараки илмию фарҳангии Тоҷикистон ва Ҳиндустон аст.
Раиси Кумитаи рушди сайёҳӣ бо таваҷҷуҳ ба таҷрибаи пешрафтаи Ҳиндустон дар соҳаи сайёҳӣ пешниҳод намуд, ки барои ҷалби сайёҳони ду кишвар форуми ширкатҳои сайёҳии Тоҷикистон ва Ҳиндустон дар шакли маҷозӣ сурат гирад. Дипломати Ҳинд пешниҳодро бо хушӣ истиқбол намуда, барои иқдомҳои муштарак дар ин самт изҳори омодагӣ намуд.
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
