Сироҷиддин Муҳриддин бо Сергей Лавров суҳбати телефонӣ анҷом дод
ДУШАНБЕ, 10.02.2021 /АМИТ «Ховар»/. 9 феврал суҳбати телефонии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Федератсияи Россия Сергей Лавров сурат гирифт. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазирони корҳои хориҷии Тоҷикистон ва Россия дар фазои дӯстӣ ва ҳусни тафоҳум атрофи масъалаҳои рӯзмарраи муносибатҳои дуҷониба ва мавзӯъҳои байналмилалӣ табодули афкор намуданд. Таъкид гардид, ки 17-умин ҷаласаи Комиссияи байниҳукуматии Тоҷикистон ва Россия оид ба ҳамкории иқтисодӣ, ки ин рӯзҳо дар Москва баргузор шуда истодааст, ба густариши бештари муносибатҳои дуҷонибаи иқтисодиву тиҷоратӣ саҳм мегузорад.
Вазирони корҳои хориҷии ду кишвар инчунин масъалаҳои ҳамкорӣ дар чаҳорчӯби созмонҳои байналмилаливу минтақавӣ, аз ҷумла Созмони Аҳдномаи амнияти дастаҷамъӣ (СААД) ва Созмони ҳамкории Шанхайро мавриди баррасӣ қарор доданд. Дар партави раёсати Тоҷикистон дар СААД ва ҷаласаҳои мақомоти оинномавии ин Созмон, ки имсол дар Душанбе баргузор мешаванд, ҳолати кунунӣ ва дурнамои ҳамкорӣ дар чаҳорчӯби СААД баррасӣ гардиданд.
Дар фарҷоми суҳбат ҷонибҳо бори дигар ҳавасмандии худро барои таҳкиму тавсеаи ҳамкории бисёрҷанба ва муносибатҳои шарокати стратегӣ миёни Тоҷикистон ва Россия таъкид намуданд.
Акрам Каримӣ бо Дабири кулли Созмони ҳамкории исломӣ мулоқот намуд
Тсю Донгюй: «Созмони озуқаворӣ ва кишоварзии Созмони Милали Муттаҳид ҳамеша омодаи ҳамкорӣ бо Тоҷикистон аст»
Ҳамкории Тоҷикистон дар чаҳорчӯби САҲА мавриди баррасӣ қарор дод шуд
Дар шаҳри Истанбул имконоти сармоягузории Тоҷикистон муаррифӣ гардид
Сироҷиддин Муҳриддин дар вохӯрии шашуми вазирони корҳои хориҷии қолаби «Осиёи Марказӣ — Чин» иштирок намуд
Ҳамкории Тоҷикистон бо Комиссияи иқтисодию иҷтимоии СММ барои Осиё ва Уқёнуси Ором баррасӣ гардид
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар Алмато мулоқоти вазирони корҳои хориҷии Тоҷикистон ва Чин баргузор шуд
Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
Сафири Тоҷикистон бо Ректори Донишгоҳи илмию технологии Амороти Муттаҳидаи Араб мулоқот намуд
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
