Соли гузашта содироти мол аз Тоҷикистон ба Афғонистон, Покистон, Италия ва Белгия афзоиш ёфтааст

Февраль 18, 2021 14:16

ДУШАНБЕ, 18.02.2021 /АМИТ «Ховар»/. Тоҷикистон соли  гузашта бо 108 кишвари ҷаҳон  муомилоти молӣ анҷом додааст, ки дар  натиҷа 75 номгӯй гурӯҳи молӣ ба хориҷи кишвар содир гардидааст. Аз ҳаҷми умумии содирот 22 фоиз ё 288,6 миллион доллар ба кишварҳои хориҷи наздик ва 78 фоиз — 1023,3 миллион доллар ба кишварҳои хориҷи дур рост меояд. Ҳаҷми асосии содироти мол ба давлатҳои Туркия 15,5 фоиз, Қазоқистон 11,6 фоиз Афғонистон 5,3 фоиз, Ӯзбекистон 6,3 фоиз, Чин 2,6 фоиз, Россия 3,1 фоиз, Белгия 2,4 фоиз ва Италия 1,2 фоизро ташкил медиҳад.

Тавре имрӯз муовини аввали Сардори Хадамоти гумруки назди Ҳукумати Ҷумҳурии Тоҷикистон Азим Турсунзода дар нишасти матбуотӣ ба намояндагони расонаҳои хабарӣ иттилоъ дод, дар содироти молҳои ватанӣ  вазни қиёсии  асосиро  маъданҳо ва консентратҳо 12,1 фоиз  ё ин ки 158,3 миллион доллар, нахи пахта 10,4 фоиз — 136 миллион  доллар, семент 4,6 фоиз — 59,7 миллион доллар, ресмони пахтагӣ 2,8 фоиз — 36 миллион доллар, маҳсулоти меваю сабзавот 1,5 фоиз -19,5 миллион доллар, шарбатҳо ва шираи растаниҳо 0,5 фоиз — 6 миллион долларро ташкил медиҳанд.

Соли гузашта нисбат ба соли 2019 содироти мол ба кишварҳои Ӯзбекистон ба андозаи 89,7 миллион доллар, Туркия 30,8 миллион  доллар, Чин 21,1 миллион доллар, Эрон 8,8 миллион доллар, Россия 3,3 миллион доллар ва Қазоқистон 66,2 миллион доллар коҳиш ёфта, ин нишондиҳанда бо кишварҳои Афғонистон 30 миллион доллар, Белгия 11,2 миллион доллар, Италия 4,4 миллион доллар ва Покистон 3,8 миллион доллар афзоиш ёфтааст.

Февраль 18, 2021 14:16

Хабарҳои дигари ин бахш

Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Имрӯз дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид