Ҷумъа Давлатов: Дар баъзе мақомоти давлатӣ технологияҳои кадрӣ нокифоя амалӣ шуда, талаботи тахассусии мансабҳо риоя намешавад
ДУШАНБЕ, 18.02.2021 /АМИТ «Ховар»/. Дар баъзе мақомоти давлатӣ технологияҳои кадрӣ (озмун, баҳодиҳӣ, аттестатсия, такмили ихтисос) нокифоя амалӣ шуда, талаботи тахассусии мансабҳо риоя намешавад. Инчунин барои ҷалби ҷавонон ва занон ба хизмати давлатӣ тадбирҳои дахлдор андешида намешаванд. Аз ин рӯ механизми кор бо захираи кадрҳои хизмати давлатӣ, гузаронидани ҷойивазкунии (ротатсияи) кадрҳои роҳбарикунанда ва амалисозии Кодекси одоби хизматчии давлатӣ дар сатҳи зарурӣ амалӣ намегардад.
Дар ин бора Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов имрӯз зимни нишасти матбуотӣ иттилоъ дода, гуфт, ки “бо ин сабаб ҳолати ба Барномаи ягонаи автоматикунонидашудаи Феҳристи хизматчиёни давлатии Ҷумҳурии Тоҷикистон ворид намудани маълумоти дахлдори хизматчиёни давлатӣ дар баъзе мақомоти давлатӣ қонеъкунанда нест”.
Ҷумъа Давлатов иброз дошт, ки мувофиқи таҳлилҳои оморӣ, шумораи хизматчиёни давлатии шаҳрвандӣ то 1 январи соли 2021 19 ҳазору 210 нафарро ташкил медиҳад, ки теъдоди занҳо 4 ҳазору 485 ё 23,3 фоиз, теъдоди ҷавонони то 35-сола 9095 нафар ё 47,3 фоиз мебошад. Синни миёнаи хизматчии давлатӣ 37,3 солро ташкил медиҳад.
Ба зикри мавсуф, аз шумораи 5718 нафар ишғолкунандагони мансабҳои роҳбарикунанда 1098 нафар ё 19,2 фоизи онро занони роҳбар ташкил менамоянд. Теъдоди умумии занон нисбат ба 1 январи соли 2020 78 нафар ва занони роҳбар 51 нафар зиёд шудааст.
Аз 9095 нафар ҷавонони то 35-солаи хизмати давлатӣ 1441 нафар дар мансабҳои роҳбарикунанда қарор доранд.
“Агентии хизмати давлатӣ оид ба масъалаҳои вазъи ҷалби занон ба хизмати давлатӣ, мусоидат ба фарогирии бештари бонувон ба хизмати давлатӣ ва мансабҳои роҳбарикунандаи он мунтазам тадбирҳои мушаххас меандешад. Вале дар баъзе вазорату идораҳо, мақомоти иҷроияи ҳокимияти давлатии шаҳру ноҳияҳо вобаста ба ҷалби занону духтарон ба хизмати давлатӣ тадбирҳои дахлдор андешида намешаванд”,- гуфт Ҷумъа Давлатов.
Шаҳри Душанбе соҳиби Шоҳҷоизаи Озмуни ҷумҳуриявии «Бонувони муваффақи шаҳру ноҳияҳои Тоҷикистон» гардид
Таъмини шаҳри Душанбе бо барқ ва гармӣ дар меҳвари таваҷҷуҳи масъулин қарор дорад
Ҳамкории Агентии суғуртаи иҷтимоӣ ва нафақа бо Бонки ҷаҳонӣ тақвият меёбад
Тоҷикистон ва Бонки ҷаҳонӣ татбиқи лоиҳаи ҳифзи иҷтимоӣ ва ҳамгироии иқтисодиро баррасӣ намуданд
Дар шаҳри Гулистон Форуми IV минтақавии ҷавонони ҳавзаи дарёи Сир – 2026 доир гардид
Дар Хадамоти гумруки Тоҷикистон Рӯзи забони давлатӣ таҷлил гардид
Дар Кӯлоб барои тарбиятгирандагони мактаб-интернати №1 хобгоҳи нави замонавӣ ифтитоҳ гардид
Бахшида ба Рӯзи забони давлатӣ дар Вазорати меҳнат, муҳоҷират ва шуғли аҳолии Тоҷикистон ҳамоиш доир шуд
Сахидод Раҳматуллозода: «Ташкили дарсҳои маҷозӣ барои омӯхтани забони давлатӣ тавассути шабакаҳои иҷтимоӣ ба манфиати кор мебошад»
МАСЛИҲАТИ МУТАХАССИС. Гул, бӯй ва меваи дарахти санҷид фоидаовар аст
Ширкати «IRS» ба мавсими зимистон омодагии ҷиддӣ дидааст
ОИЛАИ СОЛИМ. Омодасозии фарзандон ба ҳаёти мустақилона масъалаи муҳим аст
