Бахшида ба Рӯзи Модар байни кормандзанони Вазорати корҳои дохилӣ мусобиқа оид ба тенниси рӯи миз доир шуд

Март 5, 2021 09:11

ДУШАНБЕ, 05.03.2021. /АМИТ «Ховар»/. Бахшида ба Рӯзи Модар  дар Маҷмааи варзишии «Динамо»-и Вазорати корҳои дохилӣ байни кормандзанон Мусобиқа оид ба  тенниси рӯи миз баргузор гардид. Дар мусобиқа бонувони варзишгари сарраёсат, раёсатҳо ва шуъбаҳои Дастгоҳи марказии Вазорати корҳои дохилӣ ва Раёсати Вазорати корҳои дохилӣ дар шаҳри Душанбе  дар ду гурӯҳи синну солӣ: то 35-сола ва аз 35-сола боло иштирок намуданд. Дар гурӯҳи кормандзанони аз 35-сола боло ҷойҳои якуму дуюмро кормандони шуъбаи дастгоҳи марказии Вазорати корҳои дохилӣ Заррина Маҳмадназарова ва Наталя Манская соҳиб гашта, мақоми сеюм аз Академияи Вазорат насиби Фирӯза Убайдуллозода гардид.

Ба варзишгарони ғолиби мусобиқа Ҷом, диплом, медалу ифтихорнома ва туҳфаҳои хотиравӣ тақдим карда шуданд.

Тавре аз маркази матбуоти Вазорати корҳои дохилӣ ба АМИТ «Ховар» хабар доданд, дар маросими кушодашавии мусобиқа сардори Раёсати тафтишотии ВКД Ҷумҳурии Тоҷикистон, полковники милитсия Нуриддин Пирумшозода тамоми кормандзанони мақомоти корҳои дохилиро бо фарорасии  Рӯзи Модар табрик гуфт.

Мавсуф зикр намуд, ки Истиқлоли давлатии Ҷумҳурии Тоҷикистон барои боло бурдани мавқеи занон ва саҳми онҳо дар пешрафти ҳаёти ҷомеа заминаи боэътимод гузошт. Дар мушкилтарин моҳҳову солҳо занон исбот намуданд, ки онҳо низ метавонанд дар баробари мардон дар ҳифзи марзу бум, таъмини тартиботи ҷамъиятӣ ва амнияти шаҳрвандон дар сафи пеш қарор гиранд. Шаҳодати ин гуфтаҳоро теъдоди зиёди занон, ки тӯли солиёни зиёд дар мақомоти ҳифзи ҳуқуқ, сохторҳои қудратии мамлакат, алалхусус дар мақомоти корҳои дохилӣ хизмат мекунанд, собит менамояд. Воқеан нақши зан ҳамчун модар, тарбиятгар, ғамхору мададгор, ҳунарманду ҳунаромӯз, ободкору зебопараст ва олиҳаи ҳусн дар рӯзгори мо бениҳоят калон аст.

Пас аз садои додани Суруди миллӣ мусобиқа оғоз шуда, бо тартиби системаи қоидаҳои байналмилалии Федератсияи байналмилалии «ITTF» гузаронида шуд. Дар натиҷаи нишон додани маҳорату малакаи варзишӣ ғолибони мусобиқа муайян гардиданд.
Дар гурӯҳи байни кормандони ҷавони то 35-сола мақоми аввалро намояндаи Сарраёсати хадамоти давлатии оташнишонии Вазорат Бибиҳамро Уроқова, мақоми дуюмро корманди шуъбаи дастгоҳи марказии Вазорат Таҳмина Ализода ва ҷойи сеюмро аз дастаи Академияи ВКД Интизор Фатҳуллоева ишғол намуданд.

Март 5, 2021 09:11

Хабарҳои дигари ин бахш

Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд