COVID-19. Беш аз 80%-и аҳолии Тоҷикистон бар зидди коронавирус ваксина гирифтан мехоҳанд
ДУШАНБЕ, 04.03.2021. /АМИТ «Ховар»/. Бар асоси пурсиши Вазорати тандурустӣ ва ҳифзи иҷтимоии аҳолӣ беш аз 80%-и аҳолии Тоҷикистон бар зидди коронавирус ваксина гирифтан ё худ эм кардан мехоҳанд. Тавре АМИТ «Ховар» хабар медиҳад, дар ин бора имрӯз муовини Вазири тандурустӣ ва ҳифзи иҷтимоии аҳолии ҷумҳурӣ Самариддин Ализода ба ҳафтаномаи «Тоҷикистон» иброз доштааст.
«Мо аз аҳолии ҷумҳурӣ пурсидем, ки хоҳиши эм кардан доранд ё не ва натиҷаи пурсишамон маълум кард, ки 81%-и сокинони Тоҷикистон эм кардан мехоҳанд», — гуфт С. Ализода.
Ба иттилои муовини вазир, дар навбати аввал ворид кардани ваксинаи Британияи Кабир «АстраЗеника» дар назар аст ва мувофиқи нақша, моҳҳои март-апрел ин ваксина ворид карда мешавад. Ворид кардани ваксинаи Чинро гурӯҳи корӣ меомӯзад ва тасмими ниҳоӣ мегирад.
Ба таъкиди номбурда, самаранокии ваксинаи «АстраЗеника» 63,1%-ро ташкил дода, он айни замон дар 55 давлати ҷаҳон дар мубориза бо сирояти коронавирус истифода бурда мешавад.
«Тамоми ҳуҷҷатгузориҳо омода ва пешниҳод шудаанд. Рӯзҳои наздик зиёда аз 192 ҳазор ваксинаи «АстраЗеника» ворид карда мешавад. Дар навбати аввал 20 фоизи аҳолӣ ин ваксинаро мегиранд, — гуфт муовини вазир. — Дар ибтидо тамоми кормандони соҳаи тандурустӣ, сар карда аз кормандони хурди тиб то сартабибон ва кормандони хоҷагидорӣ, баъдан шахсони синнашон аз 60 боло ва гурӯҳи одамони осебпазир, ки бемориҳои ҳамрадиф доранд, яъне, шахсони гирифтори бемориҳои қанд, гепатит, ки аз 20 то 49-сола мебошанд, эм карда мешаванд».
Ба гуфтаи муовини вазир, эмкунӣ ихтиёрӣ ва ройгон аст ва дар тамоми марказҳои саломатӣ аллакай яхдонҳо барои нигоҳдории ваксина ва утоқҳои махсус барои эмкунӣ ташкил шудаанд.
Тавре С. Ализода тазаккур дод, аллакай кормандони тиб аз омӯзиш гузаштаанд. Бинобар ин, эмкунӣ ягон душворие надорад. Ҳоло вазифаи асосӣ зиёд кардани корҳои фаҳмондадиҳӣ миёни аҳолӣ мебошад.
«Эмкунӣ як дақиқа вақтро мегирад ва ҳамагӣ 64%-и аҳолӣ эм карда мешаванд. Ногуфта намонад, ки ваксинае, ки ба Тоҷикистон меояд, барои нафарони аз 18-сола болост», — гуфтааст ӯ.
Ҳамчунин гуфта мешавад, ки шаҳрвандони хориҷие, ки дар рӯйхат ҳастанд, бе мушкилӣ метавонанд ваксина гиранд.
Ёдовар мешавем, ки шурӯъ аз моҳи январ дар Тоҷикистон ягон ҳолати гирифторшавӣ ба коронавирус расман ба қайд гирифта нашудааст. Мувофиқи омори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, дар маҷмӯъ то 3 март дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд. Инчунин 90 нафар бар асари ин беморӣ фавтидаанд.
АКС аз ҳафтаномаи «Тоҷикистон»
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
