Дар Балх ва Форёби Афғонистон дар натиҷаи ҳамлаҳо 16 нафар толиб кушта ва 12 нафари дигар маҷрӯҳ карда шуданд
ДУШАНБЕ, 26.03.2021 /АМИТ «Ховар»/. Вазорати мудофиаи Афғонистон мегӯяд, ки дар натиҷаи ҳамлаҳои ҳавоии неруҳои дифоӣ ва амниятӣ дар вилоятҳои Балх ва Форёб ба “Толибон” талафоти сангин ворид карда шудааст, хабар медиҳад АМИТ «Ховар» бо истинод ба хабаргузории khaama.com.
Вазорати мудофиаи Афғонистон бо нашри хабаре 24 март гуфтааст, ки рӯзи гузашта неруҳои ҳавоӣ дар вулусволиҳои Балх, Чаҳор Булак ва Давлабободи вилояти Балх ба мавзеъҳои ҷамъшавии ҷангҷӯёни гурӯҳи “Толибон” (мамнӯъ дар Тоҷикистон) ҳамла карданд.
Дар натиҷаи ҳамлаҳо 16 нафар толиби мусаллаҳ кушта ва 12 нафари дигар маҷрӯҳ ва баъзе аз силоҳу муҳимоти онҳо нобуд карда шуданд.
Дар хабарномаи дигари вазорат гуфта шудааст, ки дирӯз неруҳои дифоӣ ва амниятӣ бо ҳимояти қувваҳои ҳавоии кишвар мавзеъҳои ҷамъшавии “Толибон” -ро дар вулусволиҳои Қайсор ва Хоҷа Сабзпӯши вилояти Форёб ҳадаф қарор доданд.
Дар натиҷаи ин амалиётҳо 34 ҷангҷӯи “Толибон” кушта шуданд ва 14 нафари дигар маҷрӯҳ шуданд.
Дар ҳамин ҳол мақомоти маҳаллии вилояти Бодғис иттилоъ додаанд, ки дар натиҷаи таркиши минаи канори роҳ дар вулусволии Обкамари ин вилоят чаҳор корманди полис кушта шуданд.
Волии вилояти Бодғис Ҳисомуддин Шамс ин хабарро таъйид карда, гуфтааст, ки се рӯз боз амалиёт барои аз вуҷуди “Толибон” пок кардани мавзеъҳои вулусволии Обкамар идома дорад.
Гуфта мешавад, ки дар натиҷаи амалиёт панҷ ҷангҷӯи “Толибон” кушта ва ҳафт тани дигар захмӣ шудаанд.
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
