Дар Маҷлиси миллӣ бахшида ба Рӯзи Модар ҷамъомад доир шуд

Март 5, 2021 15:57

ДУШАНБЕ, 05.03.2021. /АМИТ «Ховар»/. Имрӯз  дар дастгоҳи Маҷлиси миллии Маҷлиси Олии Ҷумҳурии Тоҷикистон бахшида ба Рӯзи Модар ҷамъомад баргузор гардид. Дар ин бора ба АМИТ «Ховар» ёвари Раиси Маҷлиси миллии Маҷлиси Олии Ҷумҳурии Тоҷикистон оид ба робита бо воситаҳои ахбори омма ва созмонҳои ғайридавлатӣ Наврӯз Қурбонзода хабар дод.

Роҳбари Дастгоҳи Маҷлиси миллӣ Илёс Идрисзода бонувони дастгоҳи Маҷлиси миллиро ба муносибати Рӯзи Модар табрик карда, изҳор дошт, ки занону модарон сарчашмаи ҳастӣ, тараннумгари зебоӣ, қадршиносӣ ва нигаҳдорандаи меҳру муҳаббат мебошанд. Модар меҳрубонтарин шахс барои ҳар як инсон буда, дар замири фарзандон меҳри Ватан ва эҳтиром ба калонсолонро ҷой медиҳад.

Зан – Модар тамоми ҳастии худро барои офариниши ҳаёти башар ва рушду камоли инсоният сарф менамояд

Аз ин рӯ, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақоми занро дар меҳвари сиёсати давлатӣ қарор дода, баҳри  баланд бардоштани нақши бонувон дар ҷомеа, беҳтар гардонидани вазъи иҷтимоии занон ва ҷалби бештари онҳо ба хидмати давлатӣ пайваста роҳнамоӣ ва чораандешӣ менамоянд.

Дар кишвар аз рӯзҳои аввали соҳибистиқлолӣ вобаста ба таҳкими мақому манзалат ва таъмини риояи ҳуқуқи конститутсионии занон тамоми тадбирҳои зарурӣ андешида шуда, бонувон тибқи меъёрҳои ҷомеаи демократӣ, ҳуқуқбунёд ва дунявӣ фаъолияти хешро амалӣ мегардонанд.

Зикр гардид, ки натиҷаи ғамхориҳои роҳбарияти олии сиёсии мамлакат аст, ки солҳои охир теъдоди  занони ихтисосманду соҳибтаҷриба дар зинаҳои гуногуни ҳокимият — мақоми олии қонунгузор, ҳокимияти судиву иҷроия ва дигар сохторҳои давлатию ҷамъиятӣ торафт зиёд мешавад.

Дар фарҷом, ба хотири арҷгузорӣ ва саҳми назаррас дар пешрафти кори мақомот ба бонувони Дастгоҳи Маҷлиси миллӣ аз ҳисоби фонди Раиси Маҷлиси миллии Маҷлиси Олии Ҷумҳурии Тоҷикистон кумакпулии якдафъаинаи пулӣ ва туҳфаҳои идона тақдим карда шуд.

Март 5, 2021 15:57

Хабарҳои дигари ин бахш

Ҳайати парлумонии Тоҷикистон дар Форуми байналмилалии «Мероси бузург – ояндаи муштарак» дар Волгоград иштирок менамояд
Раиси Маҷлиси намояндагон бо Сафири Чин дар Тоҷикистон мулоқот намуд
Дар иҷлосияи навбатии Маҷлиси намояндагон лоиҳаи якчанд қонун баррасӣ карда шуд
Файзалӣ Идизода бо Сафири Русия дар Тоҷикистон Семён Григорйев мулоқот намуд
Раиси Маҷлиси намояндагон бо Сафири Шоҳигарии Арабистони Саудӣ мулоқот намуд
Рустами Эмомалӣ дар ҷаласаи тантанавии Ассамблеяи Байнипарламентии давлатҳои иштирокчии ИДМ ба муносибати 80-солагии Ғалаба иштирок намуданд
Раиси Маҷлиси миллии Маҷлиси Олӣ дар кори ҷаласаи 58-уми пленарии Ассамблеяи Байнипарламентии давлатҳои ИДМ иштирок намуданд
Рустами Эмомалӣ бо Раиси Сенати Парламенти Қазоқистон Маулен Ашимбаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар маросими гулгузорӣ дар оромгоҳи ёдгории Пискарёв иштирок намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи Шурои Ассамблеяи Байнипарламентии давлатҳои иштирокчии ИДМ иштирок ва суханронӣ намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Раиси Маҷлиси миллии Маҷлиси Олӣ Рустами Эмомалӣ бо Раиси Шурои Федератсияи Маҷлиси Федералии Русия Валентина Матвиенко мулоқот намуданд