Дастаи «Файзканд» медалҳои тиллои Ҷоми Лигаи футболи Тоҷикистонро соҳиб шуд
ДУШАНБЕ, 19.03.2021 /АМИТ «Ховар»/. Имрӯз, 19 март дар майдони «Баҳористон-1»-и шаҳри Гулистони вилояти Суғд бозии финалии Ҷоми Лигаи футболи Тоҷикистон-2021 байни ду дастаҳои футболи Хатлон- «Равшан»-и шаҳри Кӯлоб ва «Файзканд»-и ноҳияи Восеъ дар сатҳи баланд баргузор шуд. Дастаи футболи «Файзканд»-и ноҳияи Восеъ барандаи Ҷоми Лигаи футболи Тоҷикистон-2021 гардид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Вохӯрии дастаҳо ҷолиб сурат гирифта, бо натиҷаи 3:1 ба фоидаи дастаи футболи «Файзканд»-и ноҳияи Восеъ хотима ёфт. Ҳанӯз дар дақиқаи 4-уми дидор футболбози «Файзканд» Маҳмуд Пиров иштибоҳан тӯбро ба дарвозаи хеш зад. Баъдан дар дақиқаи 18-ум Ҳасан Рустамов низ иштибоҳан ба дарвозааш гол зада, натиҷаро баробар кард. Дар дақиқаи 73-юм футболбози дастаи «Равшан» Далер Шомуродов ба иштибоҳ роҳ дода, ба дарвозааш гол зада, натиҷаро 2:1 ба суди дастаи «Файзканд» кард. Дар дақиқаи 82-юм Абдухалил Боронов ба бозӣ нуқтаи ниҳоӣ гузошта, пирӯзии дастаи футболи «Файзканд»-и ноҳияи Восеъро бо натиҷаи 3:1 таъмин кард.
Дар бозӣ барои ишғоли зинаи сеюми мусобиқаи мазкур дастаи футболи «Хатлон»-и шаҳри Бохтар дастаи мунтахаби наврасони то 17-солаи Тоҷикистонро бо ҳисоби 1:0 мағлуб намуда, сазовори медалҳои биринҷӣ гардид.
Ҷоми Лигаи футболи Тоҷикистон-2021
«Хатлон» – Тоҷикистон (U-17) – 1:0
Гол: Нуриддин Ҳамроқулов, 45+1.
Ҷоми Лигаи футболи Тоҷикистон-2021
Финал
«Равшан» – «Файзканд» – 1:3
Голҳо: Маҳмуд Пиров, 4 – (худгол) (1:0). Ҳасан Рустамов, 18 – (худгол) (1:1). Далер Шомуродов, 73 – (худгол) (1:2). Абдухалил Боронов, 82 (1:3).
Беҳтарин бозингари бозӣ: Доробҷон Эргашев («Файзканд»).
19 март. Гулистон. Майдони «Баҳористон-1». 500 тамошобин.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
