ФУТБОЛ. Пагоҳ бозии марҳилаи интихобии Чемпионати ҷаҳон-2022 миёни дастаҳои мунтахаби Тоҷикистон ва Муғулистон доир мешавад
ДУШАНБЕ, 24.03.2021 /АМИТ «Ховар»/. Пагоҳ соати 18:00 дар Варзишгоҳи марказии шаҳри Душанбе бозии даври ҳафтуми сабқати интихобии қаҳрамонии ҷаҳон-2022 дар гурӯҳи «F» миёни дастаҳои мунтахаби Тоҷикистон ва Муғулистон доир мешавад. Ба ин муносибат дастаи мунтахаби футболи Тоҷикистон бо роҳбарии сармураббӣ Усмон Тошев ба бозии даври ҳафтуми марҳилаи дуюми интихобии қаҳрамонии ҷаҳон-2022 дар гурӯҳи «F» муқобили дастаи мунтахаби Муғулистон омодагӣ мебинад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Ба иттилои манбаъ, ба рӯйхат 24 бозингар – 3 дарвозабон, 8 ҳимоятгар, 9 нимҳимоятгар ва 4 ҳамлагар дохиланд. Бояд қайд кард, ки нимҳимоятгари дастаи футболи «Навбаҳор»-и Намангони Ӯзбекистон Эҳсони Панҷшанбе ҳарчанд ба дастаи мунтахаби Тоҷикистон даъват шудааст, вале ӯ аз сабаби гирифтани кортҳои зиёдатии зард дар бозӣ муқобили дастаи мунтахаби Муғулистон иштирок намекунад. Дар ҳайати дастаи мунтахаби миллии Тоҷикистон тағйирот ба амал омад. Ҳимоятгари дастаи «Тамбов»-и Россия Фарҳод Восиев, ки дар дастаи худ осеб дидааст, дар бозӣ муқобили дастаи мунтахаби Муғулистон бозӣ карда наметавонад. Қаблан ҳангоми тамрини дастаи мунтахаби Тоҷикистон ҳимоятгар Искандар Ҷалилов лат хӯрда буд. Бинобар ин, ситоди мураббиёни дастаи мунтахаби Тоҷикистон бо роҳбарии Усмон Тошев ба даста ду ҳимоятгар – Наимҷон Иброҳимзодаро аз дастаи «Хуҷанд» ва Алиҷон Кароматуллозодаро аз тими «КМВА»-и шаҳри Душанбе – даъват карданд. Ҳамакнун дастаи мунтахаби Тоҷикистон бо ҳайати комил дар Варзишгоҳи марказии шаҳри Душанбе тамрин мекунад.
Ҳамчунин хотиррасон мешавем, ки имрӯз 24 март, дар арафаи бозии даври ҳафтуми марҳилаи дуюми мусобиқаи интихобии Ҷоми ҷаҳонии 2022 дар гурӯҳи «F» байни дастаҳои мунтахаби Тоҷикистон ва Муғулистон нишасти пеш аз бозӣ баргузор мешавад. Чорабинӣ дар толори маҷлисгоҳи Варзишгоҳи марказии шаҳри Душанбе соати 16:45 оғоз мешавад.
Бо назардошти риояи талаботҳои беҳдоштӣ, барои намояндагони ВАО пӯшидани ниқоб дар Варзишгоҳи марказии Душанбе таъкид шудааст.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
