Имомхатиб дар Кӯлоб барои ҳамкорӣ бо ТТЭ ҲНИ ва сомонаи «Ислоҳ» боздошт шуд
ДУШАНБЕ, 15.03.2021 /АМИТ «Ховар»/. 5 март кормандони Кумитаи давлатии амнияти миллӣ 4 нафар, аз ҷумла имомхатиби 28-солаи масҷиди маҳаллаи «Нонвойи поён»-и шаҳри Кӯлоб Маҳмадсодиқ Саидовро барои ҳамкорӣ бо ташкилоти террористию экстремистии Ҳизби дар Тоҷикистон мамнуи наҳзати исломӣ (ТТЭ ҲНИ) ва сомонаи экстремистӣ эълоншудаи «Ислоҳ» боздошт намуданд. Тавре АМИТ «Ховар» хабар медиҳад, дар ин бора чанде пеш расонаҳои хабарӣ иттилоъ доданд.
Аз Кумитаи дин, танзими анъана ва ҷашну маросими назди Ҳукумати ҶТ ба АМИТ «Ховар» зимни шарҳи ин хабар гуфтанд, ки Маҳмадсодиқ Саидов аз соли 2016 инҷониб имомхатиби масҷиди маҳаллаи «Нонвойи поён»-и шаҳри Кӯлоб буд.
«Тибқи иттилои бадастомада, номбурда бо сӯистифода аз мавқеи имомхатибӣ ба манфиати ташкилоти террористии фавқуззикр фаъолият менамудааст», — гуфтанд дар Кумита ва илова намуданд, ки барои халал нарасондан ба рафти тафтишот аз ин зиёд маълумот дода наметавонанд.
Бояд гуфт, ки далелҳои дастрасшуда ҳамкории Маҳмадсодиқ Саидовро бо ТТЭ ҲНИ ва сомонаи экстремистӣ эълоншудаи «Ислоҳ», аз ҷумла мудири он Муҳаммадиқболи Садриддин собит мекунанд. Бо ҳамин далел нисбат ба ӯ бо иттиҳоми ташкили фаъолияти ифротгароӣ парвандаи ҷиноятӣ оғоз карда шудааст.
АКС аз шабакаи иҷтимоӣ
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
