Марҳилаи гурӯҳии Ҷоми AFC-2021 дар шаҳри Душанбе баргузор мешавад

Март 12, 2021 10:20

ДУШАНБЕ, 12.03.2021 /АМИТ «Ховар»/. Конфедератсияи футболи Осиё Тоҷикистонро макони баргузории бозиҳои марказонидашудаи Ҷоми AFC-2021 дар гурӯҳи «F» тасдиқ кард, ки дар он барандаи медалҳои нуқраи Чемпионати Тоҷикистон- дастаи футболи  «Хуҷанд»-и шаҳри Хуҷанд иштирок мекунад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дар марҳилаи гурӯҳии Ҷоми AFC-2021 дар минтақаи Марказӣ, дар гурӯҳи «F» ҳарифони дастаи футболи  «Хуҷанд»-и шаҳри Хуҷанд-дастаҳои АГМК ё «Насаф»-и Ӯзбекистон, «Олтин Асир»-и Туркманистон ва «Алай»-и Қирғизистон ҳастанд. Марҳилаи гурӯҳии Ҷоми AFC-2021 дар формати марказонидашуда дар як давр аз 14 то 20 май доир мегардад. Бозиҳои марказонидашудаи Ҷоми AFC-2021 дар гурӯҳи «Е» аз 14 то 20 май дар шаҳри Бишкеки Қирғизистон доир мегарданд, ки ғолиби Ҷоми Тоҷикистон – дастаи «Равшан»-и шаҳри  Кӯлоб бо дастаҳои футболи  «Дордой»-и Қирғизистон ва «Аҳал»-и Туркманистон вомехӯрад.

Ғолибони гурӯҳҳои минтақаи марказии Ҷоми AFC-2021 дар финали минтақа байни ҳам   вомехӯранд, ки аз ду бозӣ иборат буда, аз 11 то 25 август ба нақша гирифта шудааст. Дар сурате, ки дастаи АГМК ба марҳилаи гурӯҳии Лигаи чемпионҳои AFC-2021 роҳхат бигирад, Ӯзбекистонро дар Ҷоми AFC-2021 «Насаф» намояндагӣ мекунад. Дар ҳоли муваффақ нашудан дар бозии плей-оффи Лигаи чемпионҳо клуби АГМК дар Ҷоми AFC-2021 иштирок менамояд.

Ҷоми КФО-2021

Минтақаи марказӣ

Гурӯҳи «Е»

Макон – Бишкек, Қирғизистон

«Равшан»  (Тоҷикистон)

«Дордой» (Қирғизистон)

«Аҳал» (Туркманистон)

Даври 1-ум

14 май (ҷумъа)

«Аҳал» (Туркманистон) – «Равшан»  (Тоҷикистон)

Даври 2-юм

17 май (душанбе)

«Дордой» (Қирғизистон) – «Аҳал» (Туркманистон)

Даври 3-юм

20 май (Панҷшанбе)

«Равшан»  (Тоҷикистон) — «Дордой» (Қирғизистон)

Гурӯҳи «F»

Макон – Душанбе, Тоҷикистон

АГМК ё «Насаф» (Ӯзбекистон) — «Алтин Асир» (Туркманистон)

«Хуҷанд»  (Тоҷикистон)-«Алай» (Қирғизистон)

Даври 1-ум

14 май (ҷумъа)

АГМК ё «Насаф» (Ӯзбекистон) – «Алай» (Қирғизистон)

«Алтин Асир» (Туркманистон) – «Хуҷанд»  (Тоҷикистон)

Даври 2-юм

17 май (душанбе)

«Алай» (Қирғизистон) – «Алтин Асир» (Туркманистон)

«Хуҷанд»  (Тоҷикистон)– АГМК ё «Насаф» (Ӯзбекистон)

Даври 3-юм

20 май (панҷшанбе)

АГМК ё «Насаф» (Ӯзбекистон) – «Алтин Асир» (Туркманистон)

«Хуҷанд»  (Тоҷикистон) – «Алай» (Қирғизистон)

Март 12, 2021 10:20

Хабарҳои дигари ин бахш

Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»