Пешрафти матбуоти маҳаллии шаҳри Турсунзода бештар ба давраи соҳибистиқлолӣ рост меояд,-бардошт аз таҷлили Рӯзи матбуоти тоҷик дар ин шаҳр

Март 11, 2021 11:57

ТУРСУНЗОДА, 11.03.2021 /АМИТ «Ховар»/.  Пешрафти матбуоти маҳаллии шаҳри Турсунзода бештар ба давраи соҳибистиқлолӣ рост меояд.

Ин нукта 11 март зимни ҳамоиши идона ба ифтихори Рӯзи матбуоти тоҷик, ки дар маҷлисгоҳи мақомоти иҷроияи ҳокимияти давлатии шаҳри Турсунзода бо иштироки  раиси шаҳр Парвиз Акрамзода ва намояндагони воситаҳои ахбори оммаи ҷумҳуриявию маҳаллӣ баргузор гардид, баён шуд.

Зимни ҳамоиш Парвиз Акрамзода рӯзноманигоронро бо иди касбӣ табрик намуда, изҳор дошт, ки «таърихи матбуоти тоҷик бо нашри рӯзномаи «Бухорои шариф» ҳанӯз аз 11 марти соли 1912 сарчашма гирифта, дар даврони соҳибистиқлолии кишвар рушду нумуи тоза ёфтааст.  Агар дар даврони Шӯравӣ дар шаҳр як газета ва радиои маҳаллӣ фаъолият мекард, пас дар даврони соҳибистиқлолӣ 5 нашрия, аз қабили  «Диёри Турсунзода», «Алюминийи Тоҷикистон», «Ҳидоят», «Нури маърифат», «Тибби Бӯалӣ», инчунин телевизиони маҳаллии «Регар», радиои маҳаллии «Садои Осиё» ва радиои ҶСК «Ширкати Алюминийи Тоҷик» фаъолият карда, дар пурра намудани фазои иттилоотӣ ва тарбияи маърифати сиёсиву ҳуқуқии сокинони шаҳр нақши муносиб доранд».

Масъулини шаҳри Турсунзода дар ҳамоиши идонаи Рӯзи матбуот гуфтанд, ки бо мақсади татбиқи сиёсати иттилоотии Ҳукумати кишвар, сари вақт расонидани иттилоот ва нашру инъикоси маводи таҳлилӣ мақомоти иҷроияи ҳокимияти давлатии шаҳри Турсунзода бо воситаҳои ахбори ҷумҳуриявӣ ҳамкории васеъ дорад. Аз ҷумла, давоми соли 2020 доир ба паҳлӯҳои мухталифи ҳаёти иҷтимоиву иқтисодии шаҳри Турсунзода тавассути расонаҳои хабарии ҷумҳуриявӣ ва хориҷи кишвар беш аз 130 маводу гузоришҳо нашр ва инъикос гардиданд.

Дар хатми ҳамоиш раиси шаҳри Турснзода ба намояндагони якчанд рӯзномаю маҷаллаҳо барои ҳамкории судманд сипоснома тақдим намуда, рӯзноманигорони собиқадор ва фаъолони соҳаи журналистика бо мукофотпулии мақомоти иҷроияи ҳокимияти давлатии шаҳр қадрдонӣ шуданд.

Март 11, 2021 11:57

Хабарҳои дигари ин бахш

«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Бахшида ба 80-солагии таъсиси Созмони Милали Муттаҳид конфронси илмӣ-амалӣ доир шуд
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон