Раиси Маҷлиси намояндагон Маҳмадтоир Зокирзода: «Саҳми воситаҳои ахбори омма дар муаррифии дастовардҳои кишвари тозаистиқлоламон арзанда аст»

Март 11, 2021 16:25

ДУШАНБЕ, 11.03.2021 /АМИТ «Ховар»/.  Саҳми воситаҳои ахбори омма дар муаррифии дастовардҳои кишвари тозаистиқлоламон арзанда буда, ҳамчун омили пешбарандаи ҷомеа дар таҳкими пояҳои давлатдории миллиамон нақши муҳим доранд. Рӯзноманигорон дар тарғибу ташвиқ ва инъикоси фаъолияти ҳокимияти олии қонунгузор ва намояндагии кишвар  бетараф набуда, ҳамкории судманд ба роҳ мондаанд. Ин матлабро Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода имрӯз зимни иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати шашум иброз дошта, рӯзноманигорон, намояндагони расонаҳои гуногуни давлатӣ ва ғайридавлатиро бо иди касбиашон – Рӯзи матбуоти тоҷик табрик намуд.

Зикр шуд, ки бо ибтикор ва ташаббуси бевоситаи Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон соли 1995 аз ҷониби Парламенти ҷумҳурӣ ба Қонуни Ҷумҳурии Тоҷикистон «Дар бораи рӯзҳои ид» тағйиру иловаҳо ворид карда шуда, 11 март Рӯзи матбуоти тоҷик унвон гирифт ва аз ҳамон сол инҷониб дар саросари кишвар расман ҷашн гирифта мешавад.

Маҳмадтоир Зокирзода иброз дошт, ки дар Ҷумҳурии Тоҷикистон озодии баён таъмин буда, фаъолияти воситаҳои ахбори омма дар асоси қонунҳои Ҷумҳурии Тоҷикистон «Дар бораи матбуоти даврӣ ва дигар воситаҳои ахбори омма», «Дар  бораи телевизион ва радиошунавонӣ», «Дар бораи табъу нашр», «Дар бораи иттилоотонӣ», «Дар бораи ҳуқуқи дастрасӣ ба иттилоот», «Дар бораи ҳифзи иттилоот», «Дар бораи реклама» ва дигар санадҳои меъёрии ҳуқуқӣ танзим карда мешавад.

-Бо шарофати Истиқлоли давлатӣ низоми фаъолияти матбуот низ дигаргун шуда, метавон гуфт, ки матбуоти даврии тоҷик дар таъмини фазои иттилоотӣ, сиёсӣ, маънавӣ ва фарҳангии ҷомеа нақши муҳим дорад,-афзуд Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода.

Март 11, 2021 16:25

Хабарҳои дигари ин бахш

Вакилони палатаи поёнии Парлумони Тоҷикистон дар шаҳру ноҳияҳо бо интихобкунандагон вохӯрӣ менамоянд
Истиқлолияти давлатӣ ва рушди парламентаризми миллӣ
Файзалӣ Идизода дар ноҳияи Сангвор бо интихобкунандагон вохӯрӣ намуд
Файзалӣ Идизода дар ноҳияи Лахш бо интихобкунандагон вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд
Рустами Эмомалӣ дар шаҳри Остона бо фаъолияти технопарки байналмилалии Астана Хаб шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Ҷумҳурии Қазоқистон Қосим-Жомарт Токаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд
Рустами Эмомалӣ дар пояи маҷмааи «Муҳофизони Ватан»дар Остона гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Қазоқистон оғоз шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Қазоқистон сафар намуданд
Ҳамкории Маҷлиси намояндагон бо Шурои қонунгузории Давлати Фаластин густариш меёбад