Шаҳбоз Саидабуроров дар мусобиқаи «Tbilisi Grand Slam»-и Гурҷистон соҳиби медали биринҷӣ шуд

Март 30, 2021 09:14

ДУШАНБЕ, 30.03.2021 /АМИТ «Ховар»/. Дар пойтахти Гурҷистон — шаҳри Тбилиси мусобиқаи «Tbilisi Grand Slam» оид ба дзюдо  баргузор  гардид. Дар рӯзи ниҳоии мусобиқа Ҷумҳурии Тоҷикистонро    Комроншоҳи Устопириён  дар вазни  то  90 кг муаррифӣ кард. Ин паҳлавони шинохтаи тоҷик дар даври аввал озод буда, рақобатро аз даври дуюм бар зидди намояндаи Эстония – Кусик Матиас баргузор кард. Дар ин сабқат Комроншоҳ аз худ маҳорати баланд нишон дода, рақибро бо усули «иппон» мағлуб намуда, ба даври сеюми мусобиқаи «Tbilisi Grand Slam-2021» роҳ ёфт. Дар ин  бора шореҳи  варзиши АМИТ «Ховар» бо истинод ба Федератсияи дзюдои Тоҷикистон хабар медиҳад.

Вале, мутаассифона, Комроншоҳи Устопириён дар даври сеюм аз варзишгари  кишвари Исроил — Ли Кохман ноком шуда, аз идомаи сабқатҳо маҳрум шуд.

Хотиррасон мекунем, ки дар ин мусобиқаи сатҳи ҷаҳонӣ инчунин Шаҳбоз Саидабуроров дар вазни то 60кг  кишвари моро намояндагӣ кард. Шаҳбоз, ки дар даври аввал озод буд, дар даври дуюм бар варзишгари Ӯзбекистон Шарофиддин Лутфуллоев, дар даври сеюм бар намояндаи Юнон Савва Каракизиди ғалаба кард, вале дар чорякфинал аз намояндаи дигари Ӯзбекистон Комрон Нуриллоев мағлуб шуд. Ӯ сипас дар қувваозмоии тасаллобахш варзишгари Украина Олег Вередиба ва дар қувваозмоӣ барои ҷои сеюм варзишгари Нидерланд Торнике Тсйакадоеаро шикаст дода, сазоавори медали  биринҷӣ гардид. Медали тиллои ин вазнро варзишгари мизбон Темур Нозадзе ба даст овард. Медали нуқра насиби Комрон Нуриллоеви ӯзбекистонӣ ва медали дигари биринҷӣ насиби варзишгари Озарбойҷон Каромат Ҳусейнов шуд.

Барои Шаҳбоз Саидаброров ин дуюмин мусобиқаи сатҳи ҷаҳонӣ аст. Ӯ се ҳафта қабл дар мусобиқаи Гранд слами Тошканд ҷои панҷумро ба даст оварда буд.    Шаҳбоз барои ин дастовард бо ҷоизапулӣ дар ҳаҷми 1500 доллари ИМА сарфароз шуда, соҳиби 500 хол  гардид ва мавқеашро дар раддабандии олимпӣ беҳтар намуд.

Март 30, 2021 09:14

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд