Шабонарӯзи охир дар ҷаҳон зиёда аз 405 ҳазор ҳолати нави сирояти коронавирус ошкор гардид

ДУШАНБЕ, 23.03.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 405 ҳазор афзоиш ёфта, аз 124,28 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (бо вақти Душанбе)-и 23 март, ба СУТ дар бораи 124 289 156 сироятшуда ва 2 734 998 фавт маълумот расидааст. Шумораи гирифторони ин беморӣ шабонарӯзи охир 405 372нафар ва фавтидагон 7 038 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 30 576 962. Баъд аз он Бразилия (12 051 619), Ҳиндустон (11 686 330), Россия (4 466 153), Британияи Кабир (4 301 925), Франсия (4 298 395), Италия (3 400 877), Испания (3 228 803), Туркия (3 035 338), Германия (2 678 262), Колумбия (2 342 278) ва Аргентина (2 252 172) қарор доранд.

                                                          АКС аз бойгонӣ