Вакилони Маҷлиси намояндагон бо сокинони ноҳияи Бобоҷон Ғафуров мулоқот намуданд
ДУШАНБЕ, 16.03.2021 /АМИТ «Ховар»/. Дар мақомоти иҷроияи ҳокимияти давлатии ноҳияи Бобоҷон Ғафурови вилояти Суғд мулоқоти вакилони Маҷлиси намояндагони Маҷлиси Олии Ҷумҳурии Тоҷикистон бо сокинони ноҳия баргузор гардид. Дар ин бора аз хадамоти матбуоти Раиси вилояти Суғд ба АМИТ «Ховар» иттилоъ доданд.
«Дар мулоқот муовини Раиси вилояти Суғд Анвар Яъқубӣ нахуст меҳмононро муаррифӣ намуда, таъкид кард, ки вохӯрии вакилон бо интихобкунандагон тибқи дастури Маҷлиси намояндагон сурат гирифта, барои дар сатҳи баланд доир намудани онҳо аз тарафи роҳбарияти вилоят ҷадвали вақти баргузории ин ҷамъомадҳо тасдиқ шудааст»,-афзуд манбаъ.
Дар мулоқот вакилони Маҷлиси намояндагони Маҷлиси Олӣ Маҳмадалӣ Ватанзода, Машраб Файзуллозода, Мавлудахон Мирзозода ва Мирзоанвар Аҳмедов нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии мамлакат шарҳу тавзеҳ дода, ба ҳозирин ҷиҳати татбиқи дастуру супоришҳои дар ин ҳуҷҷати муҳим баёншуда тавсияҳои зарурӣ пешниҳод намуданд.
Дар мулоқот зикр гардид, ки Ҳукумати Ҷумҳурии Тоҷикистон зери роҳбариву раҳнамоии Пешвои миллат муҳтарам Эмомалӣ Раҳмон сиёсати худро дар тамоми самтҳо муваффақона ба роҳ монда, сол аз сол ба афзун намудани нишондиҳандаҳо бо қабул ва мавриди амал қарор додани стратегияву барномаҳои миллӣ ва амсоли инҳо таваҷҷуҳи махсус зоҳир намуда истодааст. Бахусус дар замони соҳибистиқлолии Ватан мавриди истифода қарор додани иншооти таъйиноти гуногун ва вусъати корҳои ободониву созандагӣ ба истиқболи сазовори 30-солагии Истиқлоли давлатии Ҷумҳурии Тоҷикистон ва дигар тадбирҳои муҳим ҷиҳати рушди босуботи мамлакат шоистаи зикр мебошад.
Ёдовар мешавем, ки шурӯъ аз аз 15 март мувофиқи дастури Маҷлиси намояндагони Маҷлиси Олии Ҷумҳурии Тоҷикистон сафари кории вакилони Маҷлиси намояндагони Маҷлиси Олии Ҷумҳурии Тоҷикистон ба вилоятҳои Хатлону Бадахшону Суғд ва ноҳияҳои тобеи ҷумҳурӣ барои мулоқот бо интихобкунандагон оғоз гардид, ки то 25 март идома меёбад.
Дар Душанбе густариши ҳамкории байнипарламентии Тоҷикистон ва Туркия баррасӣ гардид
Баланд бардоштани ватандӯстии ҷавонон амри зарурӣ ва тақозои замон мебошад
Вакилони Маҷлиси намояндагон дар Нахустин муколама оид ба иқтисодиёти даврии Платформаи ҳамкории парлумонии Осиёи Марказӣ иштирок намуданд
Шартнома байни Тоҷикистон, Қирғизистон ва Узбекистон дар бораи нуқтаи пайвастшавии сарҳадҳои давлатии се давлат ба тасвиб расид
Вакили Маҷлиси намояндагон дар Анҷумани байналмилалии экологӣ иштирок дорад
Рустами Эмомалӣ дар ифтитоҳи Намоишгоҳи рақамӣ таҳти унвони «Риштаҳои анъанаҳо: ҷашни мероси фарҳангии Тоҷикистон» дар шаҳри Ню-Йорк иштирок намуданд
Рустами Эмомалӣ бо Антониу Гутерриш мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон бо Президенти иҷлосияи 79-уми Маҷмаи Умумии Созмони Милали Муттаҳид мулоқот намуданд
Дар Маҷлиси намояндагон фраксияи Ҳизби Халқии Демократии Тоҷикистон таъсис дода шуд
Дар Тоҷикистон 29 фоизи вакилони Маҷлиси намояндагонро занон ташкил медиҳанд
Ҳайати парламентии Маҷлиси намояндагон дар ҷаласаи сайёри Шурои Ассамблеяи парламентии СААД иштирок менамояд
Дар Душанбе робитаҳои байнипарлумонии Тоҷикистон ва Эрон баррасӣ гардиданд
