Варзишгарони тоҷик дар Мусобиқаи байналмилалӣ оид ба камонварӣ дар Тошканд соҳиби ду медали нуқра шуданд
ДУШАНБЕ, 03.03.2021 /АМИТ «Ховар»/. Варзишгарони шинохтаи тоҷик дар Мусобиқаи байналмилалӣ оид ба камонварӣ дар шаҳри Тошканди Ҷумҳурии Ӯзбекистон ду медал ба даст оварданд. Онҳо дар сабқати даставӣ ҳам миёни мардон ва ҳам миёни бонувон медали нуқра ба даст оварданд. Ба ҳайати дастаи бонувони Тоҷикистон Мавзуна Азимова, Фирӯза Зубайдова ва Фирӯза Давлатова шомил буданд. Дастаи мардон аз Анушервон Раҳимӣ, Умед Раҳмонов ва Абдуғаффор Рустамов иборат буд.
Дар ин бора шореҳи варзиши АМИТ «Ховар» бо истинод ба Федератсияи варзиши камонварии Тоҷикистон хабар медиҳад.
Мусобиқаи байналмилалӣ оид ба камонварӣ 22-27 феврал дар шаҳри Тошканди Ӯзбекистон баргузор шуда, дар он дастаи мунтахаби Тоҷикистон ширкат кард. Дар ҳарду қувваозмоӣ варзишгарони Ӯзбекистон ғолиб шуданд. Ҷои сеюм насиби дастаи мунтахаби Қирғизистон гардид.
Кумитаи миллии олимпии Тоҷикистон соли гузашта давоми се моҳ Барномаи рушди сохтори Федератсияи камонварии Тоҷикистонро татбиқ кард, ки дар ҷараёни он курсҳои омӯзишӣ барои доварон, мураббиён ва масъулини федератсия доир гардид.
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
