Вазорати дифои Афғонистон забти вулусволии Алмори Форёбро рад кард
ДУШАНБЕ, 12.03.2021 /АМИТ «Ховар»/. Ба дунболи нашри гузоришҳо, ки гӯё «Толибон» вулусволии Алмори вилояти Форёбро забт намудаанд, вазоратҳои мудофиа ва дохилаи Афғонистон ин хабарро рад карданд, иттилоъ медиҳад АМИТ «Ховар» бо истинод ба сомонаи “Садои Амрико” дар Афғонистон www.darivoa.com.
Фавод Амон, муовини сухангӯи вазорати мудофиаи Афғонистон, рӯзи панҷшанбе (11 март) бо ирсоли паёме ба расонаҳо гуфт, ки аксари минтақаҳои вулусволии Алмор аз «Толибон» (мамнӯъ дар Тоҷикистон) пок шудаанд ва ба ҷангиёни он гурӯҳ талафоти сангин ворид шудааст.
Ҷаноби Амон гуфт: «Яке аз посгоҳҳое, ки дар муҳосираи душман қарор дошт, озод карда шуд ва ҳоло вулусволӣ зери назорати неруҳои низомӣ ва полис қарор дорад».
Посгоҳи мазкур дар ноҳияи Алмори Форёб даҳ рӯз боз дар муҳосираи «Толибон» қарор дошт.
Ҳамчунон Вазорати мудофиаи Афғонистон бо нашри изҳороте гуфтааст, ки дар давоми 24 соати охир, дар натиҷаи амалиёти артиши Афғонистон дар ноҳияи Алмори вилояти Форёб 36 ҷангҷӯи гурӯҳи «Толибон» кушта ва 27 нафари дигар захмӣ шуданд.
Сухангӯи Вазорати корҳои дохилӣ Ториқ Орин низ забти ноҳияи Алмори Форёбро рад кард ва гуфт, ки низомиёни афғон дар он вулусволӣ ҳузури фаъол доранд.
Вулусволиии Алмори вилояти Форёб аз маркази вилоят тақрибан 25 км дур ва яке аз ноамнтарин минтақаҳо ба шумор меравад.
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
