Ҷаласаи Гурӯҳи кории Шӯрои ҳамоҳангсозии роҳбарони мақомоти тафтиши молиявии давлатҳои узви ИДМ доир шуд
ДУШАНБЕ, 09.04.2021 /АМИТ «Ховар»/. Ҷаласаи Гурӯҳи кории Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои ИДМ бо иштироки намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва ҷумҳуриҳои Ӯзбекистон, Қазоқистон, Озарбойҷон, Арманистон, Беларус, инчунин масъули Кумитаи иҷроияи Иттиҳоди Давлатҳои Мустақил тариқи маҷозӣ баргузор гардид. Дар ин бора аз маркази матбуоти Агентӣ ба АМИТ «Ховар» хабар доданд.
Дар ҷаласа ҳолати иҷрои қарорҳои қаблии Шӯрои мазкур ва мувофиқа намудани маводи ҷаласаи навбатӣ, ки соли равон дар Ҷумҳурии Озарбойҷон доир карда мешавад, мавриди баррасӣ қарор дода шуданд.
Аз ҷумла, аъзои Гурӯҳи кории Шӯро лоиҳаи қарорҳои марбута оид ба масъалаи супоридани раисии Шӯро аз Ҷумҳурии Тоҷикистон ба Ҷумҳурии Озарбойҷон, бахшида ба 30-солагии таъсиси ИДМ ҳавасмандгардонии аъзои Шӯро, инчунин лоиҳаи Нақшаи кории Шӯро барои солҳои 2021-2022-ро мавриди муҳокима қарор дода, вобаста ба онҳо таклифу пешниҳодҳо манзур карданд.
Дар маҷмӯъ, ҷаласаи мазкур дар сатҳи баланд баргузор гардида, иштирокчиён барои ҳамкории минбаъда изҳори умедворӣ намуданд.
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
