Дар Британияи Кабир шавҳари Малика Шоҳзода Филипп дар синни 100-солагӣ аз олам даргузашт

ДУШАНБЕ, 10.04.2021 /АМИТ «Ховар»/. Гертсоги Эдинбург Филипп, шавҳари Маликаи Британияи Кабир Елизаветаи II 9 апрел дар сини 100-солагӣ аз олам даргузашт, хабар медиҳад АМИТ «Ховард» бо истинод ба расонаҳои британӣ.

Имсол Шоҳзода садсолагиашро ҷашн мегирифт.

Аз соли 2017, шавҳари Малика аз иштирок дар чорабиниҳои оммавӣ даст кашид. Дар нимаи моҳи феврал ӯ дар беморхона бистарӣ шуд ва чанд рӯз пеш аз он, ӯ ва Малика аввалин ваксинаи зидди COVID-19-ро гирифта буданд. Ӯ тақрибан як моҳ дар беморхона буд. Баъдтан, расонаҳо навиштанд, ки Филипп бомуваффақият ҷарроҳии дил гузаронидааст.

Шоҳзода Филипп — писари шоҳзодаи Юнон ва Дания Филипп — 10 июни соли 1921 дар Юнон таваллуд шудааст. Пас аз он ки бародари калониаш дар соли 1922 аз тахт даст кашид, оилаи Шоҳзода Филип аз Юнон ронда шуд.

Ӯ ҳангоми таҳсил дар коллеҷ бо Маликаи Британияи Кабир шинос шуда, соли 1947 ба Малика издивоҷ кард. Пас аз издивоҷ Филипп насаби британӣ гирифта, Маунтбаттен шуд ва ӯро Гертсоги Эдинбург эълон карданд.

Ҷуфти шоҳона чор фарзанд доранд: Чарлз, Анна, Эндрю ва Эдвард.