Дар Душанбе 27 ва 28 апрел ҷаласаҳои Шӯрои вазирони мудофиа ва Кумитаи котибони шӯроҳои амнияти СААД баргузор мешаванд
ДУШАНБЕ, 25.04.2021 /АМИТ «Ховар» /. Масъалаҳои амнияти низомӣ, мубориза бо чолишҳо ва таҳдидҳо, инчунин чораҳои безараргардонии онҳо дар ҷаласаҳои Шӯрои вазирони мудофиа ва Кумитаи котибони шӯроҳои амнияти Созмони Аҳдномаи амнияти дастаҷамъӣ (СААД), ки 27 ва 28 апрел дар Душанбе баргузор мешаванд, баррасӣ мегарданд, хабар медиҳад АМИТ «Ховар» бо истинод ба сомонаи расмии СААД.
Ҷаласаи Шӯрои вазирони мудофиа 27 апрел таҳти раёсати Вазири мудофиаи Ҷумҳурии Тоҷикистон генерал-полковник Шералӣ Мирзо ва ҷаласаи Кумитаи котибони шӯроҳои амнияти СААД 29 апрел таҳти раёсати Котиби Шӯрои амнияти Тоҷикистон Насрулло Маҳмудзода баргузор мегарданд.
Дабири кулли СААД Станислав Зас дар ин ҷаласаҳо ширкат варзида, дар бораи вазъи минтақаи масъулияти Созмон ва масъалаҳои рӯзнома маълумот медиҳад.
Дар ҷараёни ҷаласаҳо нақшаҳои муҷаҳҳаз гардонидани неруҳои дастаҷамъии вокуниши сареъ, омӯзиши муштараки ташаккулёбии неруҳо ва воситаҳои системаи амнияти дастаҷамъӣ ва Нақшаи машваратҳо оид ба сиёсати хориҷӣ, мудофиа ва амният барои нимаи дуюми соли 2021 — нимаи якуми соли 2022 баррасӣ карда мешаванд.
Инчунин дар рӯзномаи ҷаласаҳои Шӯрои вазирони мудофиа ва Кумитаи котибони шӯроҳои амнияти СААД баррасии Нақшаи чорабиниҳо бахшида ба 30-солагии имзои Созишномаи амнияти дастаҷамъӣ ва 20-умин солгарди таъсиси СААД шомил аст.
АКС аз манбаъҳои боз
Дар Тоҷикистон зиёда аз 26 тонна маҳсулоти гӯштии бесифат ва хавфнок нобуд карда шуд
Дар шаҳри Кӯлоб оид ба тарбияи ватандӯстӣ ва худшиносии миллӣ вохӯриҳо доир гардиданд
Дар шаҳри Кӯлоб оид ба пешгирии омилҳои хурофотӣ ва тафаккури ифротӣ вохӯрӣ доир шуд
Ҷаласаи 10-уми вазирони давлатҳои аъзои СҲИ оид ба коҳиши хатари офатҳои табиӣ доир шуд
Агар бо ҳолати фавқулода рӯ ба рӯ гардем, бояд ба куҷо муроҷиат намоем?
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
