Дар семоҳаи якум дар Тоҷикистон беш аз 1 миллион тонна семент истеҳсол шудааст

Апрель 30, 2021 15:00

ДУШАНБЕ, 30.04.2021 /АМИТ  «Ховар»/. Дар  Тоҷикистон дар семоҳаи аввали соли равон беш аз 1 миллион тонна семент истеҳсол шудааст, ки нисбат ба ҳамин давраи соли гузашта  54,5 ҳазор тонна зиёд аст, иттилоъ медиҳад Вазорати саноат ва технологияҳои нави Ҷумҳурии Тоҷикистон.

Дар муқоиса бо нишондиҳандаҳои соли гузашта дар ҳамин давра истеҳсоли семент дар кишвар 5,6 фоиз афзудааст. Дар кишвар 16 корхона ба истеҳсоли семент машғуланд.

Қаблан хабар дода будем, ки талаботи дохилии ҷумҳурӣ ба семент солона 3-3,5 миллион тонна тахмин зада мешавад. Ҳоло дар Тоҷикистон навъҳои сементи  400, 500 ва 600  истеҳсол карда мешаванд.

Соли гузашта дар кишвар беш аз 4,2 миллион тонна семент истеҳсол гардида буд, ки беш аз 1,3 миллион тоннаи он ба маблағи 59,7 миллион доллари амрикоӣ ба кишварҳои ҳамсоя –Афғонистон, Ӯзбекистон ва Қирғизистон содирот  шудааст.

Бо дарназардошти татбиқи лоиҳаҳои нави инфрасохторӣ, сохтмони биноҳои истиқоматӣ, инчунин афзоиши воридот ба кишварҳои ҳамсоя дар назар аст, ки имсол истеҳсоли  семент дар қиёс ба соли гузашта афзоиш дода шавад.

 

АКС аз манбаъҳои боз

Апрель 30, 2021 15:00

Хабарҳои дигари ин бахш

Дар Хоруғ 97 фоизи субъектҳо ба таври электронӣ ҳисобот пешниҳод намуданд
Соли 2024 дар Тоҷикистон беш аз 2,5 миллион тонна ангишт истихроҷ гардид
Иқтисоди рақамӣ яке аз шартҳои асосии рақобатпазирии иқтисоди миллӣ мебошад
КИШТИ БАҲОРӢ. Ҳайати Ситоди ҷумҳуриявӣ оид ба вусъати корҳо дар соҳаи кишоварзӣ бо омодагии деҳқонони шаҳри Ҳисор шинос шуд
Соли 2025 дар ноҳияи Спитамен дар 6500 гектар пунбадона кишт карда мешавад
Дар Тоҷикистон сохтмони панҷ маркази логистикӣ оғоз меёбад
35-СОЛАГИИ ИСТИҚЛОЛИ ДАВЛАТӢ. Дар Тоҷикистон сохтмони 29 026 иншоот ба нақша гирифта шудааст
Соли 2024 дар вилояти Суғд 166 корхонаю коргоҳи нав ба фаъолият оғоз намуд
Дар Душанбе лоиҳаҳои миёнамуҳлати муштарак барои солҳои 2025 – 2026 баррасӣ гардиданд
НИШАСТИ МАТБУОТӢ. Аз Тоҷикистон ба 57 мамлакати хориҷаи дуру наздик молу маҳсулот содирот шудааст
НИШАСТИ МАТБУОТӢ. Ширкату корхонаҳои ватанӣ дар 30 намоишгоҳи байналмилалӣ дар 9 давлати дунё иштирок намуданд
Дар Агентии инноватсия ва технологияҳои рақамӣ ғолибони Озмуни ҷумҳуриявии «Илм-фурӯғи маърифат» қадрдонӣ шуданд