Дар шаҳри Панҷакент нахустин гурӯҳи наваскарон ба сафи Қувваҳои Мусаллаҳ гусел карда шуданд
ДУШАНБЕ, 02.04.2021. /АМИТ «Ховар»/. Дирӯз дар шаҳри Панҷакент як гурӯҳ наваскарони ихтиёрӣ бо ҳисси баланди ватандорӣ ба сафи Қувваҳои мусаллаҳ сафарбар гардиданд. Дар ин бора АМИТ «Ховар» бо истинод ба мақомоти иҷроияи маҳаллии ҳокимияти давлатии шаҳри Панҷакент хабар медиҳад.
Дар маросими гусел раиси шаҳри Панҷакент Абдухолиқ Холиқзода, масъулини сохторҳои мақомоти иҷроияи маҳаллии ҳокимияти давлатӣ ва кормандони комиссариати ҳарбии шаҳри Панҷакент иштирок намуданд.
Фаъолҷавонони шаҳру деҳоти Панҷакент дар ин рӯз бо симои идона барои пос доштани арзиши волои қарзи шаҳрвандии худ дастаҷамъона гирди ҳам омада, бо шиору овезаҳои ватандӯстиву хештаншиносӣ дар хиёбони марказии шаҳри Панҷакент роҳпаймоӣ намуданд.
Раиси шаҳри Панҷакент А. Холиқзода дар «Кохи Лоиқ» бо гурӯҳи аввали даъватшудагон мулоқот намуда, аз номи мақомоти иҷроияи маҳаллии ҳокимияти давлатии шаҳри Панҷакент ҳамаи ҷавонони саодатмандро бо оғози маъракаи даъвати баҳорӣ ва хизмат ба Модар-Ватан табрик намуд.
Зикр гардид, ки падару модарон ва кулли сокинони барӯманди шаҳру деҳоти Панҷакент аз ҳар яки шумо ҷавонони шуҷои Ватан дар роҳи ҳифзи марзу буми Тоҷикистон, хизмати содиқона ва интизоми намунавӣ, ахлоқу одоби баланд, ҷасорату корнамоиҳо интизоранд.
Мавриди зикр аст, ки 75 нафар ҷавонон ба таври ройгон мактаби ронандагиро бо дастгирии мақомоти иҷроияи маҳаллии ҳокимияти давлатии шаҳри Панҷакент хатм намуда, дорои шаҳодатномаи ронандагӣ гардиданд.
Барои даъватшудагон дастархони идона ороста шуда, пас аз анҷоми маросим онҳо ба қисмҳои низомии кишвар гусел карда шуданд.
АКСҲО: мақомоти иҷроияи маҳаллии ҳокимияти давлатии шаҳри Панҷакент
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
