Дар Тоҷикистон сайёҳии дохилӣ омили рушди иқтисодӣ маҳсуб мешавад
ДУШАНБЕ, 30.04.2021/АМИТ «Ховар»/. Бо мақсади тарғибу муаррифии минтақаҳои назаррабои Тоҷикистон Раиси Кумитаи рушди сайёҳии назди Ҳукумати ҷумҳурӣ Тоҷиддин Ҷӯразода ба ширкатҳои сайёҳии кишвар тавсия додааст, ки бо пешниҳоди хатсайрҳои нави сайёҳӣ ва барномаҳои ҷолибу нархҳои дастрас хизматрасониро барои боздиди сайёҳони дохилию хориҷӣ бештар ба роҳ монанд. Ин дар ҳолест, ки бо ташаббуси Кумитаи рушди сайёҳӣ дар ҳамкорӣ бо ширкати «Осиё групп Тоҷикистон» бо иштироки роҳбарони ассотсиатсияву ширкатҳои сайёҳӣ ва намояндагони муассисаҳои олии таълимӣ, ки дар бахши сайёҳӣ мутахассис омода месозанд, дар мавзӯи «Сайёҳии дохилӣ омили рушди иқтисодӣ: имконият ва заминаҳои ҳамкорӣ» ҳамоиш баргузор гардид.
Раиси Кумитаи рушди сайёҳӣ Тоҷиддин Ҷӯразода иброз дошт, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олӣ зарурати густариши соҳаи сайёҳиро таъкид доштанд. Кумитаи рушди сайёҳӣ дигар сохтору мақомоти марбута, аз ҷумла роҳбарони вилоятҳоро муваззаф намудааст, ки доир ба афзоиши саҳми соҳаи сайёҳӣ дар рушди иқтисоди кишвар ва ба меъёрҳои байналмилалӣ мутобиқ намудани хизматрасониҳо, дарёфти роҳҳои нави ташкили инфрасохтор, ҷалби бештари сайёҳони дохиливу хориҷӣ, бахусус рушди сайёҳии дохилӣ тадбирҳои аввалиндараҷа андешанд.
Имсол соли ҷамъбастии Солҳои рушди деҳот, сайёҳӣ ва ҳунарҳои мардумӣ мебошад. Метавон гуфт, ки соҳа то ҷое ба ҳадаф расид, зеро ду соли қаблӣ шумораи воридшавии сайёҳони хориҷӣ беш аз дуюним маротиба боло рафта, инфрасохтори гуногуни ёрирасони соҳа мавриди баҳрабардорӣ қарор дода шуд, иттилоъ медиҳад Кумитаи рушди сайёҳии назди Ҳукумати мамлакат.
Бо дарназардошти омилҳои болозикр ва кӯшишу талошҳои мутасаддиёну алоқамандони соҳа сайёҳии дохилӣ ҳамчун воситаи дастгириву пойдорандаи соҳа байни шаҳрвандон маъруфияти бештар пайдо намуда, баъди паст шудани шиддати пандемия дар ҷаҳон сайёҳии воридотӣ боз ҳам густариш меёбад. Сайёҳии дохилӣ имрӯз дар тамоми дунё ҳамчун самти муҳими рушди соҳа арзёбӣ гардида, бо мақсади рушди сайёҳии дохилӣ дар кишвар Кумитаи рушди сайёҳи бо ширкатҳои сайёҳӣ дар майдону платформаҳои гуногун мулоқоту суҳбатҳои фарогир анҷом дода истодааст. Имрӯз аз ҷониби ширкатҳо вобаста ба рушди ин самти муҳим пешниҳодҳои мушаххас манзур мешаванд.
АКС аз Кумитаи рушди сайёҳии назди Ҳукумати ҶТ
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
