ФУТБОЛ. «Файзканд» ва «Хуҷанд» дар даври якуми Чемпионати Тоҷикистон-2021 бар ҳарифонашон ғолиб омаданд

Апрель 5, 2021 08:30

ДУШАНБЕ, 05.04.2021 /АМИТ «Ховар»/. 4 апрел Чемпионати Тоҷикистон-2021 оид ба футбол байни дастаҳои футболи Лигаи олӣ бо иштироки даҳ даста оғоз ёфт. Дар даври якуми чемпионат дастаи футболи  «Файзканд»-и ноҳияи  Восеъ дар варзишгоҳи марказии шаҳри Ҳисор дастаи  КМВА-и  шаҳри Душанберо бо ҳисоби 1:0 мағлуб намуд. Дар ин рӯз дар варзишгоҳи «20-солагии Истиқлолияти Тоҷикистон» дастаи  футболи  «Хуҷанд»-и  шаҳри  Хуҷанд  бар дастаи  «Душанбе-83»-и  шаҳри Душанбе бо ҳисоби калони 4:1 ғолиб омад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Чемпионат Тоҷикистон-2021
Лигаи олӣ. Даври 1-ум
«Хуҷанд» – «Душанбе» – 4:1
Голоҳо: Максим Грек, 38 (1:0). Артем Сердюк, 42 (2:0). Дилшод Бозоров, 56 (3:0). Парвиз Баки-Ахунов, 68 (4:0). Анушервон Наврӯзов, 88 (4:1).

Чемпионат Тоҷикистон-2021
Лигаи олӣ. Даври 1-ум
«Файзканд» – КМВА – 1:0
Гол: Сайёди Коусшо, 15 – (худгол).

Баъди ин пирӯзӣ дастаи футболи  «Хуҷанд»-и шаҳри Хуҷанд  бо касби 3 хол пешсафи ҷадвали Лигаи олӣ мебошад.  Дастаи футболи  «Файзканд»-и ноҳияи Восеъ  бо касби 3 хол дар зинаи дуюми ҷадвали Лигаи олӣ ҷой дорад.

Ёдовар  мешавем, ки  имрӯз,  5 апрел  дастаҳои футболи   «Эсхата»-и шаҳри  Хуҷанд бо  «Хатлон»-и  шаҳри Бохтар қувва меозмояд. Ин бозӣ ҳам дар варзишгоҳи «20-солагии Истиқлолияти Тоҷикистон» дар шаҳри Хуҷанд баргузор мешавад.

Бозии дигари даври якум байни дастаҳои футболи   «Истаравшан»-и  шаҳри Истаравшан ва «Равшан»-и  шаҳри  Кӯлоб 6  апрел дар варзишгоҳи марказии шаҳри Истаравшан баргузор мегардад.

Бозиҳо бо иштироки дастаҳои футболи  «Истиқлол»-и шаҳри  Душанбе, ки дар оғози Чемпионати Тоҷикистон-2021 мавқуф гузошта шуданд, рӯзҳои дигар  баргузор хоҳанд шуд.  Дастаи футболи   «Истиқлол»-и  шаҳри Душанбе дар  марҳилаи гурӯҳии Лигаи чемпионҳои Осиё-2021, ки дар  Арабистони Саудӣ доир мегардад, иштирок мекунад.

Чемпионати Тоҷикистон-2021

Лигаи олӣ. Даври 1-ум

4 апрел (якшанбе)

Оғози бозиҳо – соати 16:00

«Файзканд» – КМВА-1:0

Ҳисор, варзишгоҳи марказӣ

«Хуҷанд» – «Душанбе» 4:1

Хуҷанд, варзишгоҳи «20 солагии Истиқлолияти Тоҷикистон»

5 апрел (душанбе)

Оғози бозӣ – соати 16:00

«Эсхата» – «Хатлон»

Хуҷанд, варзишгоҳи «20 солагии Истиқлолияти Тоҷикистон»

6 апрел (сешанбе)

Оғози бозӣ – соати 16:00

«Истаравшан» – «Равшан»

Истаравшан, варзишгоҳи марказӣ

Апрель 5, 2021 08:30

Хабарҳои дигари ин бахш

Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд