ФУТБОЛ. Мавсими нави Чемпионати Тоҷикистон бо ширкати даҳ дастаи Лигаи олӣ оғоз мешавад
ДУШАНБЕ, 01.04.2021 /АМИТ «Ховар»/. 4 апрел Чемпионати Тоҷикистон оид ба футбол бо ширкати даҳ дастаи Лигаи олӣ оғоз мешавад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Мусобиқаи имсола, ки ҷашнист ва бори 30-юм доир мегардад, аз се марҳила иборат буда, ҳар даста 27 бозӣ анҷом хоҳад дод. Рӯзи якшанбе ду бозӣ баргузор мешаванд. Дастаи футболи «Файзканд»-и ноҳияи Восеъ дар Варзишгоҳи марказии шаҳри Ҳисор дастаи КМВА-и шаҳри Душанберо қабул мекунад. Дар ин рӯз дастаи футболи «Хуҷанд»-и шаҳри Хуҷанд дар варзишгоҳи «20-солагии Истиқлолияти Тоҷикистон»-и шаҳри Хуҷанд бо дастаи «Душанбе-83»-и шаҳри Душанбе вориди сабқат мешавад.
Рӯзи душанбе, 5 апрел, дастаи нави Лигаи олӣ — «Эсхата»-и шаҳри Хуҷанд бо дастаи футболи «Хатлон»-и шаҳри Бохтар рақобат хоҳад кард. Ин бозӣ дар шаҳри Хуҷанд, дар варзишгоҳи «20-солагии Истиқлолияти Тоҷикистон» доир мегардад.
Бозии дигари даври аввал рӯзи сешанбе, 6 апрел сурат мегирад. Дастаи футболи «Истаравшан»-и шаҳри Истаравшан дар майдони худ бо дастаи футболи «Равшан»-и шаҳри Кӯлоб рақобат хоҳад кард.
Бояд гуфт, ки бинобар омодагӣ ва иштироки дастаи футболи «Истиқлол»-и шаҳри Душанбе дар марҳилаи гурӯҳии Лигаи чемпионҳои АFC-2021 ҳамаи бозиҳои дастаи «Истиқлол»-и Душанбе дар ибтидои чемпионати Тоҷикистон-2021 ба муҳлати дертар гузаронида шуд ва дар рӯзҳои эҳтиётӣ пас аз бозгашти даста аз Арабистони Саудӣ доир мешаванд.
Тибқи низомномаи мусобиқа, дастаҳое, ки имсол дар Лигаи олӣ ҷойҳои 9 ва 10-умро мегиранд, дар мавсими соли 2022 ба Лигаи аввал мегузаранд. Ғолиб ва барандаи медалҳои нуқраи Лигаи аввал дар мавсими соли оянда дар Лигаи олӣ бозӣ хоҳанд кард.
Чемпионати Тоҷикистон оид ба футбол -2021
Лигаи олӣ. Даври 1-ум
4-уми апрел (якшанбе)
Оғози бозиҳо – соати 16:00
«Файзканд» – КМВА
Ҳисор, Варзишгоҳи марказӣ
«Хуҷанд» – «Душанбе-83»
Хуҷанд, варзишгоҳи «20-солагии Истиқлолияти Тоҷикистон»
5-уми апрел (душанбе)
Оғози бозӣ – соати 16:00
«Эсхата» – «Хатлон»
Хуҷанд, варзишгоҳи «20-солагии Истиқлолияти Тоҷикистон»
6-уми апрел (сешанбе)
Оғози бозӣ – соати 16:00
«Истаравшан» – «Равшан»
Истаравшан, Варзишгоҳи марказӣ
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
