«Истиқлол» боз бо дастаи «Ал-Ҳилол»-и Арабистони Саудӣ рақобат мекунад

Апрель 23, 2021 11:05

ДУШАНБЕ, 23.04.2021 /АМИТ «Ховар»/. 25 апрел дастаи футболи «Истиқлол»-и шаҳри Душанбе сабқати навбатиашро боз ба муқобили дастаи  футболи «Ал-Ҳилол»-и Арабистони Саудӣ доир мекунад. Дар ин бора АМИТ «Ховар» бо истинод ба Федератсияи футболи Тоҷикистон иттилоъ медиҳад.

21-22 апрел бозиҳои даври сеюми марҳилаи гурӯҳии Лигаи чемпионҳои Осиё-2021  байни дастаҳои  футболи  «Истиқлол»-и шаҳри Душанбе бо  «Ал-Ҳилол»-и Арабистони Саудӣ  баргузор гардида буданд. Вохӯрии  ин дастаҳо дар варзишгоҳи «МРСООЛ Парк»- и шаҳри Риёз сурат гирифта, бо ҳисоби  3:1 бар суди мизбонон ба анҷом расид. Дар қисми аввали бозӣ футболбозони дастаи  «Ал-Ҳилол»  афзалиятро ба даст гирифта, дар дақиқаи 39-ум бо голи задаи дифоъгар Алӣ Ал- Булайхӣ пешгом шуданд. Аммо ин шодии онҳо дер давом накард, зеро бо гузаштани 2 дақиқа аз тӯби партофтаи Манучеҳр Ҷалилов истифода бурда, дифоъгари 20- солаи дастаи футболи «Истиқлол» Ваҳдат Ҳаннонов таносуби бозиро баробар кард ва бо ҳамин натиҷа дастаҳо ба танаффус баромаданд. Қисми дуюми бозӣ барои шогирдони мутахассиси бразилӣ — Рогерио бобарор оғоз шуд. Дар дақиқаи 52- юми бозӣ ниммуҳофизатгари даста Ҳаттан Баҳебрӣ хати дарвозаи Рустам Ятимовро рахна кард. Бо сипарӣ шудани 12 дақиқаи дигар Ҳаттан Баҳебрӣ голи дуюмашро ба дарвозаи Рустам Ятимов ба нишон расонида, натиҷаро 3:1 ба фоидаи дастаи «Ал-Ҳилол»-и Арабистони Саудӣ  кард. Ҳарчанд футболбозони дастаи «Истиқлол»-и шаҳри Душанбе кӯшиши зиёд карданд, ки ба задани гол даст ёбанд, вале натавонистанд.

Дастаи  футболи  «Ал-Ҳилол»-и Арабистони Саудӣ бо ду пирӯзӣ ва як мусовӣ дар ҷадвали гурӯҳи А бо касби 7 имтиёз садрнишин мебошад. Дастаи футболи  «Истиқлол»-и шаҳри Душанбе бо як мусовӣ, як пирӯзӣ ва як бохт бо доштани 4 имтиёз дар зинаи 2- юми ҷадвал ҷой гирифт.

Лигаи  чемпионҳои Осиё (даври 3-юм)

«Ал-Ҳилол» -«Истиқлол» 3:1 (1:1)

Голҳо: Булайҳӣ ’39, Ҳаннонов ’41, Баҳебрӣ ’52,’64

Аз ин  пеш дастаи   футболи  «Истиқлол»-и  шаҳри Душанбе  дар бозии  дуюмаш бар дастаи АГМК-и Ӯзбекистон бо ҳисоби  3:2 ғалаба карда, пирӯзии аввалин ва таърихиашро дар Лигаи чемпионҳои Осиё ҷашн гирифт. Голҳоро аз  ҳайати  дастаи футболи  «Истиқлол»-и шаҳри Душанбе  Манучеҳр Ҷалилов ва Муҳаммадҷон Раҳимов  ба ҳадаф расониданд. Як голи дигарро легионери сербиягии дастаи АГМК Йован Ҷокич ба дарвозаи дастааш зад.

Қаблан дар даври аввали марҳилаи гурӯҳии Лигаи чемпионҳои Осиё-2021 дастаи футболи  «Истиқлол»-и  шаҳри Душанбе бо дастаи «Шабоб Ал-Аҳлӣ Дубай»  бо ҳисоби мусовии  0:0  бозӣ карда буд. Дар бозии дигари даври дуюми гурӯҳи «А» дастаи футболи  «Ал-Ҳилол»-и Арабистони Саудӣ бар дастаи «Шабоб Ал-Аҳлӣ Дубай» бо ҳисоби 2:0 пирӯз шуд.

Лигаи чемпионҳои Осиё-2021

Гурӯҳи «А». 2-юм давр

АГМК (Ӯзбекистон) – «Истиқлол»-и Тоҷикистон – 2:3
Голҳо: Йован Ҷокич, 45+1 – ба дарвозаи дастаи худ (0:1). Манучеҳр Ҷалилов, 54 (0:2). Зафар Полвонов, 57 (1:2). Муҳаммадҷон Раҳимов, 80 (1:3). Зафар Полвонов, 90+1 (2:3).

«Истиқлол» (Тоҷикистон): Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров (Ваҳдат Ханонов, 46), Муҳаммадҷон Раҳимов (Аҳтам Назаров, 90+3), Нуриддин Давронов, Шаҳром Сулаймонов, Алишер Ҷалилов, Ҳусейн Доған (Рустам Соиров, 90+3), Манучеҳр Ҷалилов.

Беҳтарин бозингар: Манучеҳр Ҷалилов («Истиқлол»).

18 апрел. Риёз. Варзишгоҳи байналмилалии ба номи шоҳ Фаҳд.

«Шабоб Ал-Аҳлӣ Дубай» (АМА) – «Ал-Ҳилол» (Арабистони Саудӣ) – 0:2
Лигаи чемпионҳои КФО-2021

Гурӯҳи «А». Даври 1-ум

«ИСТИҚЛОЛ» (Тоҷикистон) – «Шабоб Ал-Аҳлӣ Дубай» (АМА) – 0:0

«Истиқлол»: Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров, Муҳаммаҳон Раҳимов (Ваҳдат Ҳанонов, 84), Нуриддин Давронов, Шаҳром Сулаймонов, Алишер Ҷалилов, Ҳусейн Доган, Манучеҳр Ҳалилов (Рустам Соиров, 64).

«Ал-Ҳилол» (А. Саудӣ) – АГМК (Ӯзбекистон) – 2:2

 

 ДАСТАҲО Б Ғ М Б Т-Т Х
 1 «Ал-Ҳилол» (Арабистони Саудӣ)32 1 0 7-3 7
 2 «Истиқлол» (Тоҷикистон) 3 1 1 1 4-5 4
 3 АГМК (Ӯзбекистон) 2 0 1 1 4-5 1
 4«Шабоб Ал-Аҳлӣ Дубай» (АМА) 2 0 1 1 0-2 1

                                                                                                

 АКС аз ФФТ

Апрель 23, 2021 11:05

Хабарҳои дигари ин бахш

Дастаи мунтахаби олимпии Тоҷикистон барои иштирок дар Бозиҳои тобистонаи олимпӣ ба Токио сафар намуд
Ҷадвали мусобиқоти варзишгарони тоҷик дар Бозиҳои олимпии Токио-2020 муайян шуд
ФУТЗАЛ. Дастаи мунтахаби Тоҷикистон ба тамринҳо шурӯъ намуд
То оғози Бозиҳои тобистонаи олимпии Токио-2020 рӯзҳои башумор боқӣ мондаанд
Замони бозиҳои даври чордаҳуми Чемпионати Тоҷикистон оид ба футбол миёни дастаҳои Лигаи олӣ муайян шуд
Амирхон Атохонов дар мусобиқаи байналмилалӣ дар Ӯзбекистон ғолиби ҷойи аввал ва соҳиби медали тилло шуд
Ғолибони мусобиқаҳои варзишӣ оид ба тенниси рӯйи миз ва шоҳмоту шашка муайян шуданд
Ҳайати дастаи мунтахаби олимпии Тоҷикистон барои иштирок дар Бозиҳои олимпии Токио-2020 муайян шуд
ФУТБОЛ. Пагоҳ дастаҳои «Истиқлол»-и Душанбе ва «Хатлон»-и Бохтар байни ҳам рақобат мекунанд
Вазири корҳои дохилӣ бо варзишгарони дастаи мунтахаби шиноварии Тоҷикистон вохӯрӣ намуд
Барои дарёфти Ҷоми Президенти Тоҷикистон бо унвони «President Cup-2021» миёни наврасон мусобиқа оид ба теннис доир мегардад
10-11 июл бозиҳои даври сенздаҳуми Чемпионати Тоҷикистон оид ба футбол доир шуданд

Маводҳои таҳлилӣ