Кумитаи ҳолатҳои фавқулода ва мудофиаи гражданӣ аз ҳавои номусоиди рӯзҳои оянда ҳушдор медиҳад

Апрель 2, 2021 16:23

ДУШАНБЕ, 02.04.2021 /АМИТ «Ховар»/. 2-5 апрел дар натиҷаи баланд шудани дамои ҳаво лағзиши тарма ва резиши санг дар ноҳияҳои кӯҳии ҷумҳурӣ, ҳамчунин омадани сел дар водиҳо ва ноҳияҳои наздикӯҳӣ эҳтимол дорад. Рӯзҳои 4-5 апрел  болоравии сатҳи об дар рӯдхонаҳои қаторкӯҳҳои Ҳисор, дарёҳои Ёхсӯ ва Қизилсӯ интизор меравад. Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд.

Маъмулан боронҳои шадид сабаби ҷунбишу ҳаракати хоки теппаҳои наздикӯҳӣ мешаванд. Ҳавои номусоид корҳои чӯпониву чорвочаронӣ ва роҳандозии корҳои кишоварзиро низ ба мушкил рӯ ба рӯ мекунад.  Дар ҳамин иртибот Кумита бори дигар аз сокинон бо як ҷаҳон эҳтиром хоҳиш мекунад, ки дар ин рӯзҳо аз рафтан ба минтақаҳои кӯҳӣ, чорвочаронӣ, ҷамъоварии ҳезум ва занбурӯғҳо худдорӣ кунанд.

Кумита ҳамчунин тавсия медиҳад, ки дар ин рӯзҳо шаҳрвандон ба моҳидорӣ нараванд ва худро ҳамеша аз соҳилҳо дур нигоҳ доранд.

Бо мақсади роҳ надодан ба пур шудани кӯчаҳо аз оби борон тоза кардани ҷӯйборҳо ва селроҳаҳоро фаромӯш набояд кард.

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон  аз сокинон хоҳиш мекунад, ки ҳамеша ба маълумоти Кумита, Вазорати корҳои дохилӣ ва Вазорати нақлиёт дар мавриди вазъи ҳаво ва роҳҳо диққат диҳанд.

Ҳамзамон Кумитаи ҳолатҳои фавқулода ва мудофиаи гражданӣ дар такя ба  маълумоти Агентии обуҳавошиносии кишвар хабар медиҳад, ки  аз 4 то 5 апрел дар баъзе ноҳияҳо боронҳои пуршиддат меборанд, дар водиҳо ин борон метавонад ҳамроҳ бо раъду барқ ояд. Дар доманакӯҳҳо, дар баландиҳои  беш аз 2000 метр шабонгаҳон барф меборад. Ҳамчунин эҳтимоли боридани жола низ вуҷуд дорад.

3-4 апрел дар баъзе ноҳияҳо  вазиши боди шадид бо суръати 15-20 метр дар як сония дар назар дошта шудааст. Дар ноҳияҳои вилояти Суғд суръати вазиши шамол то ба 21-26 метр дар як сония мерасад.

АКС аз бойгонӣ

Апрель 2, 2021 16:23

Хабарҳои дигари ин бахш

Дар Тоҷикистон беш аз 421 ҳазор нафар шаҳрвандон ба ваксинатсия зидди бемории сироятии COVID-19 фаро гирифта шуданд
Муҳаммадюсуф Имомзода: Муассисаҳои таҳсилоти умумии мамлакат дар соли таҳсили нав ба 2166 нафар омӯзгор эҳтиёҷ доранд
Бо мақсади табодули таҷриба дар самти ташхис ва табобати COVID-19 миёни табибони Тоҷикистон ва Чин видеоконфронс доир шуд
Умед Бобозода: Аксари муроҷиатҳои шаҳрвандон ба таври мусбат ҳал гардиданд
Дар Вазорати тандурустӣ ва ҳифзи иҷтимоии аҳолии Тоҷикистон масъалаи таҳвили навбатии вояҳои зарурии ваксинаи «КоронаВак» баррасӣ шуд
Пагоҳ Вазорати маориф ва илм, Кумитаи меъморӣ ва сохтмон, Хадамоти иҷро нишасти матбуотӣ баргузор менамоянд
13 июл бар асари боронҳои пуршиддат дар бархе ноҳияҳои Тоҷикистон сел омада, сатҳи оби рӯдхонаҳо баланд шуд
Иди Қурбон дар Тоҷикистон 20 июл таҷлил карда мешавад
Бо дастгирии Пешвои миллат манзилҳои аз заминларза зарардида дар муддати кӯтоҳ барқарор мегарданд. Гузориши хабарнигори АМИТ «Ховар»
COVID-19. Вазири тандурустӣ ва ҳифзи иҷтимоии аҳолӣ ва муовинонаш ба аёдати гирифторони ин беморӣ ба муассисаҳои табобатии шаҳри Душанбе рафтанд
Ноҳияи Ёвон дар озмуни «Момодояи беҳтарин» сазовори ҷойи аввал гардид
НИШАСТИ МАТБУОТӢ: Аз аҳолӣ ва ташкилоту муассисаҳо беш аз 27 ҳазор адад лампаҳои симобдори аз истифода баромада ҷамъоварӣ шуд

Маводҳои таҳлилӣ