ЛИГАИ ЧЕМПИОНҲО-2021: «Истиқлол» дастаи «Ал-Ҳилол» — ро бо ҳисоби калон мағлуб кард

ДУШАНБЕ, 26.04.2021 /АМИТ «Ховар»/. Чемпиони Тоҷикистон – дастаи «Истиқлол»-и Душанбе дар даври чоруми марҳилаи гурӯҳии Лигаи чемпионҳои Осиё дар гурӯҳи «А» бар тими «Ал-Ҳилол» аз Арабистони Саудӣ бо ҳисоби 4:1 пирӯз шуд.

Тавре АМИТ «Ховар» бо истинод ба Федератсияи футболи Тоҷикистон хабар медиҳад, «Истиқлол» бозиро бо ҳисоби 0:1 мебохт, вале футболбозон тавонистанд ташаббус ба даст гиранд ва ғолиб шаванд. Дублҳои Манучеҳр Ҷалилов ва Манучеҳр Сафаров ба душанбегиҳо се хол овард. Чемпиони Тоҷикистон пас аз ин пирӯзӣ бо 7 хол ба садри ҷадвали гурӯҳи “А” баромад. “Ал-Ҳилол” ҳам, ки ҳафт хол дорад, дар ҷои дуюм аст.

Дар бозии дигари гурӯҳ “Шабоб Ал-Аҳлӣ Дубай” бар тими АГМК бо ҳисоби 3:1 пирӯз шуд.

“Истиқлол” дар даври навбатии марҳилаи гурӯҳии Лигаи чемпионҳои Осиё-2021 27 апрел муқобили клуби “Шабоб Ал-Аҳлӣ Дубай” аз АМА вориди майдон мешавад. Дидори дастаҳо соати 23:55 ба вақти Душанбе оғоз мегардад.

Лигаи чемпионҳои Осиё-2021

 Гурӯҳи «А». 4-ум давр

 «ИСТИҚЛОЛ» (ТОҶИКИСТОН) – «Ал-Ҳилол» (Арабистони Саудӣ) – 4:1

Голҳо: Бафетимби Гомис, 24 (0:1). Манучеҳр Ҷалилов, 39 (1:1). Манучеҳр Ҷалилов, 44 (2:1). Манучеҳр Сафаров, 49 (3:1). Манучеҳр Сафаров, 52 (4:1).

«Истиқлол» (Тоҷикистон): Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров, Аҳтам Назаров, Нуриддин Давронов (Хуршед Ҷураев, 90+2), Шаҳром Сулаймонов, Алишер Ҷалилов (Рёта Нома, 79), Рустам Соиров (Ваҳдат Ханонов, 90+2), Манучеҳр Ҷалилов.

Беҳтаринбозингаридидор: Манучеҳр Сафаров («Истиқлол»).

24 апрел. Риёз. Варзишгоҳи шоҳзода Файсал ибни Фаҳд.

«Шабоб Ал-Аҳли Дубай» (АМА) – АГМК (Узбекистон) – 3:1

АКСҲО аз ФФТ