ЛИГАИ ЧЕМПИОНҲОИ КФО-2021: «Истиқлол» аввалин машқҳои худро дар шаҳри Риёз баргузор намуд

Апрель 12, 2021 13:30

ДУШАНБЕ, 12.04.2021 /АМИТ «Ховар»/. Футболбозони дастаи «Истиқлол»-и Душанбе, ки як рӯз пеш ба Арабистони Саудӣ рафта  буданд, аввалин машқҳои худро дар Риёз баргузор карданд. Чемпиони Тоҷикистон барои ширкат дар марҳилаи гурӯҳии Лигаи чемпионҳои Осиё дар  Арабистони Саудӣ қарор дорад. Дар ин бора АМИТ «Ховар» бо истинод ба сомонаи расмии ФК «Истиқлол» хабар медиҳад.

Ёдовар мешавем, ки субҳи 11 апрел дастаи фуболи «Истиқлол»-и Душанбе ҷиҳати иштирок дар марҳилаи гурӯҳии мусобиқаи Лигаи қаҳрамонҳои Конфедератсияи футболи Осиё (AFC) — 2021 вориди шаҳри Риёз – пойтахти Подшоҳии Арабистони Саудӣ шуд.

Ҳайати дастаи чемпиони Тоҷикистон – «Истиқлол»-и Душанберо дар Фурудгоҳи байналмилалии шаҳри Риёз Сафир ва кормандони Сафорати Ҷумҳурии Тоҷикистон дар Подшоҳии Арабистони Саудӣ ва намояндагони расмии Федератсияи футболи Арабистони Саудӣ истиқбол гирифтанд.

Ба гуфти  сармураббии дастаи «Истиқлол» Виталий Левченко, «Лигаи чемпионҳо барои мо як даъвати нав аст, мехоҳем натиҷаҳои баланд ба даст орем ва мухлисони худро бо ҳар бозӣ шод гардонем.»

Дастаи «Истиқлол» 21 футболбозро ба марҳилаи гурӯҳии бонуфузтарин сабқати бошгоҳҳои Осиё шомил кард. Ба сабаби ҷароҳат доштан дар ин мусобиқа ба «Истиқлол» ҳимоятгар Искандар Ҷалилов, нимҳимоятгар Амирбек Ҷӯрабоев ва ҳамлагар Ислом Зоиров кумак карда наметавонанд.

Дар марҳилаи гурӯҳии мусобиқаи Лигаи чемпионҳои Конфедератсияи футболи Осиё (AFC)-202, ки 14-30 апрели соли 2021 дар шаҳри Риёз баргузор мегардад, дастаи чемпиони Тоҷикистон – «Истиқлол»-и Душанбе бо дастаҳои «Ал-Ҳилол»-и Арабистони Саудӣ, «Шабоб Ал-Аҳлӣ»-и Амороти Муттаҳидаи Арабӣ ва «АГМК»-и Ӯзбекистон рақобат хоҳад кард.

Ҳайати «Истиқлол» барои ширкат дар марҳилаи гурӯҳии Лигаи чемпионҳои AFC-2021:

Дарвозабонҳо – Рустам Ятимов, Муҳриддин Ҳасанов, Сафармад Гаффоров.

Нимҳимоятгарон – Аҳтам Назаров, Алексей Ларин (Украина), Манучеҳр Сафаров, Андрей Мишенко (Украина), Зоир Ҷӯрабоев, Ромиши Насрулло, Вахдат Ханонов.

Нимҳимоятгарон – Шаҳром Сулаймонов, Шарифбек Раҳматов, Муҳаммадҷон Раҳимов, Хуршед-Темур Ҷӯраев, Рёта Нома (Ҷопон), Нуриддин Давронов, Алишер Ҷалилов (капитан).

Ҳамлагарон – Рустам Соиров, Салам Ашурмамадов, Ҳусейн Доған (Ҳолланд), Манучеҳр Ҷалилов.

Сармураббӣ — Виталий Левченко.

Лигаи чемпионҳои АFC-2021

Минтақаи Ғарб

Гурӯҳи «А»

«Ал-Ҳилол» (Арабистони Саудӣ)

«Шабоб Ал-Аҳлӣ Дубай» (Иморот)

«ИСТИҚЛОЛ» (Тоҷикистон)

АГМК (Ӯзбекистон).

Даври 1-ум

15-уми апрел (панҷшанбе)

«Ал-Ҳилол» (Арабистони Саудӣ) – АГМК (Ӯзбекистон)

«ИСТИҚЛОЛ» (Тоҷикистон) – «Шабоб Ал-Аҳлӣ Дубай» (Иморот)

Даври 2-юм

18-уми апрел (якшанбе)

АГМК (Ӯзбекистон) – «ИСТИҚЛОЛ» (Тоҷикистон)

«Шабоб Ал-Аҳлӣ Дубай» (Иморот) – «Ал-Ҳилол» (Арабистони Саудӣ)

Даври 3-юм

21-уми апрел (чоршанбе)

АГМК (Ӯзбекистон) – «Шабоб Ал-Аҳлӣ Дубай» (Иморот)

«Ал-Ҳилол» (Арабистони Саудӣ) – «ИСТИҚЛОЛ» (Тоҷикистон)

Даври 4-ум

24-уми апрел (шанбе)

«Шабоб Ал-Аҳлӣ Дубай» (Иморот) – АГМК (Ӯзбекистон)

«ИСТИҚЛОЛ» (Тоҷикистон) – «Ал-Ҳилол» (Арабистони Саудӣ)

Даври 5-ум

27-уми апрел (сешанбе)

АГМК (Ӯзбекистон) – «Ал-Ҳилол» (Арабистони Саудӣ)

«Шабоб Ал-Аҳлӣ Дубай» (Иморот) – «ИСТИҚЛОЛ» (Тоҷикистон)

Даври 6-ум

30-юми апрел (ҷумъа)

«Ал-Ҳилол» (Арабистони Саудӣ) – «Шабоб Ал-Аҳлӣ Дубай» (Иморот)

«ИСТИҚЛОЛ» (Тоҷикистон) – АГМК (Ӯзбекистон)

АКСҲО аз сомонаи расмии «Истиқлол»

Апрель 12, 2021 13:30

Хабарҳои дигари ин бахш

Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт