Мавсума Муинӣ дар мулоқот бо донишҷӯёни Донишгоҳи давлатии омӯзгории Тоҷикистон аз саҳми ҷавонон дар бунёди ҷомеаи навин сухан гуфт

Апрель 2, 2021 16:50

ДУШАНБЕ, 02.04.2021 /АМИТ  «Ховар»/. Имрӯз дар Донишгоҳи давлатии омӯзгории Тоҷикистон ба номи Садриддин Айнӣ бо гурӯҳҳои таблиғотӣ  вохӯрӣ доир гардид. Дар ин бора аз Мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд.

Дар мулоқот муовини Раиси шаҳри Душанбе Мавсума Муинӣ доир ба саҳми ҷавонон дар бунёди ҷомеаи навин,  ҳифзи солимии инсон, пешгирии ҳар гуна бемориҳои сироятӣ, тарғиби арзишҳои миллию  маънавӣ, одобу ахлоқи ҳамида, фарҳанги шаҳрнишинӣ ва масъалаҳои рӯзмарраи ҷомеа изҳори андеша намуд.

Мудири шуъбаи иттилооти Дастгоҳи Раиси шаҳри Душанбе Ҷамшед Олимов зикр намуд, ки «фаъолияти пурмуҳтавову пурмаҳсули давлативу ҷамъиятии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оинаест, ки дар он мавқеи миллати тоҷикро бо ҳама шаҳомат ва шуҳраташ инъикос намуда, ба ин восита қадаме ба сӯи хештаншиносӣ ва худогоҳӣ ниҳода, бо диди ибрат дурнамои кишварро муайян карда метавонем».

Дар мулоқот аз бобати тарғиби ҳадафҳои арзишҳои миллию маънавӣ, одобу ахлоқи ҳамида, аҳамияти озмунҳои ҷумҳуриявӣ, фарҳанги шаҳрнишинӣ, ҳифзи солимии инсон, тарбияи ватандӯстӣ, иштироки ҳамагон дар корҳои созандагӣ, бунёдкорӣ, сабзазоркунию хуррамгардонӣ, маҳкум намудани зуҳуроти номатлуби бегонапарварӣ, ба гурӯҳҳои ифротӣ нагаравидани наврасону ҷавонон омодагиҳо ба ҷашни таърихии 30-солагии Истиқлоли давлатии Ҷумҳурии Тоҷикистон андешаҳои муфид баён гардиданд.

Сипас ба як гурӯҳ донишҷӯён ва устодони донишгоҳи мазкур, ки дар чорабиниҳои пойтахт иштироки фаъол доштанд, ифтихорномаи Мақомоти иҷроияи ҳокимияти давлатии шаҳри Душанбе тақдим гардид.

Имрӯзҳо вохӯриву суҳбатҳои гурӯҳҳои  тарғиботӣ — идеологии Мақомоти иҷроияи ҳокимияти давлатии шаҳри Душанбе  дар ташкилоту муассисаҳо ва шаҳраку маҳаллаҳои пойтахт пайваста идома доранд.

АКС: Мақомоти иҷроияи ҳокимияти давлатии шаҳри Душанбе

Апрель 2, 2021 16:50

Хабарҳои дигари ин бахш

Иҷлосияи шашуми Маҷлиси вакилони халқи шаҳри Душанбе, даъвати шашум доир гардид
Аз 15 то 18 июл дар чорроҳаи кӯчаи С. Айнӣ бо гузаргоҳи якуми кӯчаи Н. Муҳаммади шаҳри Душанбе ҳаракати нақлиёти автомобилӣ муваққатан қатъ карда мешавад
Пагоҳ Иҷлосияи шашуми Маҷлиси вакилони халқи шаҳри Душанбе, даъвати шашум баргузор мегардад
COVID-19. Гурӯҳи корӣ дар бозорҳои «Меҳргон» ва «Варзоб»-и шаҳри Душанбе оид ба пешгирӣ аз ин бемории сироятӣ корҳои фаҳмондадиҳӣ ба роҳ монд
Ситоди шаҳрӣ оид ба пешгирӣ аз интиқол ва паҳншавии бемории сироятии COVID-19 дар шаҳри Душанбе: «Нисбат ба саломатии худ ва наздиконатон бепарво набошед!»
Дар Душанбе корҳои фаҳмондадиҳӣ ҷиҳати эмин мондани сокинон аз сироятёбӣ ба КОВИД-19 пурзӯр мегардад
Муассисаи таҳсилоти миёнаи умумии №9-и шаҳри Душанбе ба истифода дода мешавад
Дар Душанбе Беморхонаи касалиҳои сироятии шаҳрӣ барои 1200 кат бунёд мегардад
14 июл Иҷлосияи шашуми Маҷлиси вакилони халқи шаҳри Душанбе, даъвати шашум баргузор мегардад
Дар Душанбе даври шаҳрии Фестивали ҷумҳуриявии «Ҷилваи рангҳо» доир гардид
Дар пойтахт Фестивал-намоишгоҳи нуҳуми автомобилҳои коллексионии «Авто-ретро Душанбе» баргузор гардид
«ВАҲДАТИ МИЛЛӢ — ОМИЛИ ПЕШРАФТИ ДАВЛАТУ МИЛЛАТ». Дар Душанбе таҳти ин унвон ҳамоиши тантанавӣ ва барномаи бошукӯҳи фарҳангӣ баргузор гардид

Маводҳои таҳлилӣ