Нахустин ҷаласаи Платформаи миллӣ оид ба паст кардани хавфи офатҳои табиӣ дар соли 2021 доир шуд

Апрель 30, 2021 14:51

ДУШАНБЕ, 30.04.2021 /АМИТ «Ховар»/. 30 апрел дар Душанбе ҷаласаи Платформаи миллӣ оид ба паст кардани хавфи офатҳои табиӣ  таҳти раёсати муовини якуми раиси Платформаи миллии коҳиш додани хавфи офатҳои табиӣ-Раиси Кумитаи ҳолатҳои фавқулода ва мудофиаи гражданӣ дар  назди Ҳукумати Ҷумҳурии Тоҷикистон  Рустам Назарзода баргузор гардид.

Дар ҷаласа роҳбарони вазорату идораҳо, намояндагони созмонҳои байналмилалии муқими Тоҷикистон, ки нозирони платформаи миллӣ мебошанд, ширкат варзиданд.

Дар ҷаласа иштирокунандагон ҷараёни корҳои пешгирикунанда, гирифтани пеши роҳи бемориҳои ниҳоят хавфноки сироятӣ дар Ҷумҳурии Тоҷикистон, аз ҷумла полиемилит, коронавирус ва раванди эмкунӣ, фаъолияти Низоми мониторинг ва пешгӯии равандҳои гидрометеорологӣ, ҷараёни иҷрои Барномаи давлатии корҳои соҳилмустаҳкамкунӣ  барои солҳои 2018-2022, иттилоотонии аҳолӣ  ҷиҳати омодагӣ ба офатҳои табиӣ ва дигар масъалаҳои муҳиму мубрамро баррасӣ намуданд.

Сардори маркази матбуоти Кумитаи ҳолатҳои фавқулода ва мудофиаи гражданӣ Умеда Юсуфӣ зимни суҳбат изҳор дошт, ки «ҳадафи асосии ҷаласаи имрӯза- ҳамоҳангсозии вазорату идораҳо, созмонҳои байналмилалӣ ва сафоратхонаҳо оид ба рафъи ҳодисаҳои табиӣ ва аз ҳама муҳим, бурдани корҳои пешгирикунанда мебошад. Чорабиниҳои муҳиме, ки дар доираи Платформаи миллӣ баргузор карда мешаванд, ба он равона мегарданд, ки  шумораи офатҳои табиӣ коҳиш дода шавад ва ҳангоми рух додани ҳодисаҳои табиӣ хисороти ҷонӣ паст карда шавад».

Ба гуфтаи Умеда Юсуфӣ, агар соли 2019 дар ҳудуди мамлакат 680 ҳодисаи табиӣ ба қайд гирифта шуда бошад, соли 2020 шумораи он 213 адад коҳиш ёфт. Дар натиҷаи саъю кӯшише, ки дар доираи Платформаи миллӣ оид ба паст кардани хавфи офатҳои табиӣ  доир карда мешавад, шумораи фавтидагон ба маротиб коҳиш ёфтааст.

Ҷаласаи Платформаи миллӣ оид ба паст кардани хавфи офатҳои табиӣ имсол бори аввал аст, ки баргузор мешавад. Дар ҷумҳурӣ 1470 минтақаи хавфнок ба қайд гирифта шудааст ва барои бурдани корҳои пеширикунандаю огоҳонии аҳолӣ ҳамоҳангсозии муштараки вазорату идораҳо ва созмонҳои байналмилалӣ  хеле муҳим мебошад.

Ба иттилои Умеда Юсуфӣ, дар қаламрави мамлакат аз оғози сол то кунун беш аз 200 ҳолати фавқулода ва ҳодисаҳои табиӣ ба қайд гирифта шудаанд, ки 12-тои он ба аҳолӣ ва иқтисодиёти кишвар зарари моддӣ расонидааст. Дар натиҷаи ин офатҳои табиӣ то кунун  12 нафар шаҳрвандон ба ҳалокат расидаанд.

Дар ҳамоиш миёни аъзо ва иштирокчиёни ҷаласаи Платформаи миллӣ оид ба истифодаи самараноки  маблағҳое, ки Ҷумҳурии Тоҷикистон барои коҳиш додани хавфи офатҳои табиӣ ҷудо кардааст, мубодилаи афкор сурат гирифт.

Апрель 30, 2021 14:51

Хабарҳои дигари ин бахш

5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Имрӯз дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад