Рустам Назарзода бо Роҳбари Дафтари барномаҳои САҲА дар Душанбе ҳамоҳанг намудани ҳамкории минбаъдаро баррасӣ намуд
ДУШАНБЕ, 07.04.2021 /АМИТ «Ховар»/. 5 апрел Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода бо Роҳбари Дафтари барномаҳои Созмони амният ва ҳамкории Аврупо дар Душанбе Валериу Кивер мулоқот намуд, ки зимни он масъалаҳои татбиқи лоиҳаҳо дар соли 2021 ва ҳамоҳанг намудани ҳамкорӣ дар соли 2022 баррасӣ шуданд.
Тавре аз маркази матбуоти Кумитаи ҳолатҳои фавқулода ва мудофиаи граждании мамлакат ба АМИТ «Ховар» иттилоъ доданд, дар вохӯрӣ доир ба масъалаҳои пешгирӣ, огоҳсозӣ, бартарафсозии оқибатҳои ҳолатҳои фавқулода ва расонидани ёрии аввалин ба аҳолии осебпазир маълумот манзур шуд.
Раиси Кумита оид ба ҷараёни корҳои сохтмонии Маркази миллии тамринӣ барои омода намудани наҷотдиҳандагон, курсҳои омӯзишӣ барои наҷотдиҳандагон, кормандони тиб ва мутахассисони марказҳои таълимию методии Кумита маълумот дода, ба Роҳбари Дафтари барномаҳои САҲА миннатдорӣ изҳор намуд.
Рустам Назарзода ҷиҳати минбаъд идома додани ҳамкории судманд пешниҳод намуд, ки дар ташкили курсҳои омӯзишӣ барои наҷотдиҳандагон -ғаввосон, кинологҳо, чопи овезаҳо баҳри мактаббачагони деҳоту ноҳияҳои дурдаст онҳоро дастгирӣ кунанд.
Роҳбари Дафтари барномаҳои Созмони амният ва ҳамкории Аврупо дар Душанбе Валериу Кивер барои маълумоти пешниҳоднамуда изҳори миннатдорӣ намуда, зикр кард, ки САҲА минбаъд низ ҳамкории худро бо Кумита дар самти коҳиши хавфи офатҳои табиӣ идома медиҳад.
Дар анҷоми вохӯрӣ тарафҳо миннатдории худро ба ҳамдигар изҳор намуда, иброз доштанд, ки густариши ҳамкории дуҷонибаро дар самти коҳиши хавфи офатҳои табиӣ боз ҳам мустаҳкамтар менамоянд.
Акс аз сомонаи Кумитаи ҳолатҳои фавқулода ва мудофиаи граждании назди Ҳукумати ҶТ
Шаҳри Панҷакент ва ноҳияи Шаҳристон нақшаи даъвати тирамоҳиро дар рӯзи аввал иҷро намуданд
ДАЪВАТИ ТИРАМОҲӢ. Дар Хатлон нақшаи даъват ба сафи Қувваҳои Мусаллаҳи Тоҷикистон бори аввал дар рӯзи якум пурра таъмин шуд
Ҷамоатҳои деҳоти Ворух, Чоркӯҳ, Навгилем, Лаккон ва шаҳраки Шуроби шаҳри Исфара нақшаи даъвати тирамоҳиро иҷро намуданд
ХИЗМАТ БА ВАТАН ШАРАФ АСТ! Наваскарони шаҳри Ҳисор ба сафи Қувваҳои Мусаллаҳи Ҷумҳурии Тоҷикистон ҳамроҳ шуданд
ДАР ХАТЛОН НАҚШАИ ДАЪВАТИ ТИРАМОҲӢ ИҶРО ГАРДИД. Дар 11 шаҳру ноҳияи вилоят наваскаронро ба хизмати Ватан гусел намуданд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ноҳияҳои минтақаи Рашт нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистонро пурра иҷро намуданд
Вилояти Мухтори Кӯҳистони Бадахшон нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистонро барзиёд иҷро намуд
Дар Душанбе лоиҳаи Қонуни Ҷумҳурии Тоҷикистон «Дар бораи политсия» баррасӣ гардид
Ҷаласаи Шурои ҳамоҳангсозии фаъолияти мақомоти ҳифзи ҳуқуқ ва сохторҳои ҳарбии ҳудуди гарнизони Бохтар баргузор гардид
«ҲАМА БА ХИЗМАТИ ВАТАН ОМОДАЕМ!». Дар Суғд ҳамоиши ҷавонон баргузор гардид
Намояндагони Тоҷикистон дар ҳамоиши Қазоқистон оид ба мубориза бо муомилоти ғайриқонунии воситаҳои нашъадор иштирок намуданд
