Саидмурод Фаттоҳзода ва Валериу Кивер масъалаҳои таҳияи лоиҳаи Кодекси иттилоотии Тоҷикистонро баррасӣ намуданд
ДУШАНБЕ, 09.04.2021 /АМИТ «Ховар»/. Раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода бо Роҳбари Дафтари барномаҳои Созмони Амният ва ҳамкорӣ дар Аврупо (САҲА) дар Душанбе Валериу Кивер мулоқот намуд.
Тавре аз Маҷлиси намояндагони Маҷлиси Олии мамлакат ба АМИТ «Ховар» иттилоъ доданд, дар ҷараёни мулоқот ҷонибҳо дурнамои рушди муносибатҳои мутақобилан судмандро бо таваҷҷуҳ ба таҳияи лоиҳаи Кодекси иттилоотии Ҷумҳурии Тоҷикистон баррасӣ намуданд.
Зимни мулоқот Саидмурод Фаттоҳзода омодагии Маҷлиси намояндагони Маҷлиси Олии Ҷумҳурии Тоҷикистонро дар роҳи таҳкими ҳамкории муштарак бо Дафтари барномаҳои САҲА дар Душанбе, аз ҷумла оид ба рушди қонунгузорӣ дар Ҷумҳурии Тоҷикистон иброз дошт.
Роҳбари Дафтари барномаҳои САҲА дар Душанбе Валериу Кивер изҳор намуд, ки «Дафтари барномаҳои САҲА солҳои зиёдест, ки мустақиман бо кумита оид ба корҳои байналмилалӣ, иттиҳодияҳои ҷамъиятӣ ва иттилоот ва дар маҷмӯъ бо Маҷлиси намояндагони Маҷлиси Олии Ҷумҳурии Тоҷикистон дар самти татбиқи якчанд барномаҳои давлатӣ, аз ҷумла оид ба рушди қонунгузорӣ дар Ҷумҳурии Тоҷикистон ҳамкории зич дорад».
Валериу Кивер инчунин зикр намуд, ки «ҳангоми таҳияи лоиҳаи Кодекси иттилоот Дафтари барномаҳои САҲА дар Душанбе коршиносони сатҳи байналмилалӣ ва ватаниро ҷалб намуд, ки дар ин самт корҳои зиёде оид ба омӯзиши қонунгузории амалкунанда, амалия ва таҳлили муқоисавии қонун ва кодексҳои кишварҳои дигар анҷом дода шуданд».
Дар ҷараёни мулоқот ҳамчунин оид ба тарҳрезии дурнамои ҳамкории дуҷониба табодули назар сурат гирифт.
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон ҷаласа доир шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Доир ба ҳамоҳангсозии фаъолияти Маҷлиси миллӣ бо Маҷлиси намояндагон ва ҳокимияти иҷроия ҷаласа баргузор шуд
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
