«TAJIKISTAN FASHION WEEK». Дар Душанбе маросими тантанавии ифтитоҳи Ҳафтаи байналмилаллии мӯд баргузор гардид

Апрель 3, 2021 12:40

ДУШАНБЕ, 03.04.2021 /АМИТ «Ховар»/. Дар Ҳафтаи байналмилалии мӯд — «Tajikistan fashion week-2021», ки 2 апрел дар меҳмонхонаи Hyatt Rejency Dushanbe оғоз ёфт, дар радифи тарроҳони хориҷӣ  9 нафар тарроҳи ватанӣ — Умед Кучкалиев «UMED KUCHKALIEV»,  Фарангис Азимова    «FARA AZIM», Садбарг Мирраҳимӣ, Сулҳия Ғуломова,  Нафиса Имронова «ZHIWJ», Адолат Абдуҳалимзода «MAKKE EENN», Шабнам Иброҳим, Ирода ва Ситора Солиҳоваҳо  намунаҳои тарроҳии худро пешкаши иштирокдорон гардониданд.

Ин ҳамоиши фарҳангӣ бо дастгирии  Вазорати саноат ва технологияҳои нави ҷумҳурӣ ва ташаббуси иттиҳодияи  эҷодии «Т&Z»  дар пойтахти ҷумҳурӣ  шаҳри Душанбе созмон дода шуда,  дар маросими ифтитоҳи он  намояндагони вазорату идораҳои ҷумҳурӣ, тарроҳони машҳури  кишварҳои хориҷӣ, намояндагони корпуси  дипломатии муқими Тоҷикистон иштирок намуданд. Ҳадафи асосии ҳафтаи мӯд   муаррифии маҳсулот дар сатҳи мӯди касбӣ, таваҷҷуҳ ба арзишҳои либосҳои анъанавии миллӣ, асолати этникӣ ва омезиши гуногунрангии либосҳо ба шумор меравад.

Дар қатори тарроҳони ватанӣ инчунин тарроҳон аз Федератсияи Россия, Ӯзбекистон, Қирғизистон, Қазоқистон, Украина ва Аморати Муттаҳидаи Араб коллексияҳои худро пешниҳоди ҳаводорони олами мӯд мегардонанд. Коллексияҳои таҳиянамуда асосан аз либосҳои занонаи ба таври миллию аврупоӣ дӯхташуда иборат мебошад.

Хабарнигори АМИТ «Ховар» иттилоъ медиҳад, ки Ҳафтаи баналмилалии мӯд барои ҷалби бештари  меҳмонон ва сайёҳони хориҷӣ заминаи мусоид фароҳам оварда,  ба ин восита ҳамкории ҳунармандон-тарроҳони кишвар  бо тарроҳони хориҷӣ густариш меёбад. Дар рӯзи аввали баргузории Ҳафтаи мӯди  тарроҳони Тоҷикистон, Ӯзбекистон, Қирғизистон, Қазоқистон ва Россия колексияи тирамоҳиву зимистонаи худро  пешниҳоди  дӯстдорони олами мӯд гардониданд.


 Умуман  дар  Ҳафтаи байналмилалии  мӯд Tajikistan fashion week-2021   тарроҳони кишварҳои  Тоҷикистон, Ӯзбекистон, Қирғизистон, Қазоқистон, Россия, Украина ва Аморати Муттаҳидаи Араб ширкат менамоянд.

Ҳафтаи мӯди Тоҷикистон  дар доираи Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021гузаронида шуда, қадами муассирест дар  таҳкими  робитаҳои дӯстӣ ва ҳамкорӣ бо тарроҳони кишварҳои хориҷӣ, муаррифии ҳунари тарроҳони чирадасти тоҷик ва эҳёю сайқали ҳунарҳои мардумӣ.

Интизор меравад, ки дар доираи Ҳафтаи байналмилалии мӯд    донишҷӯёни риштаи таррроҳии макотиби олии Тоҷикистон ва тарроҳони дорои имконияти маҳудуди кишвар иштирок намуда,  маҳорати зебоиофарии худро  ба маъраз гузоранд. Дар ҷараёни  Ҳафтаи мӯд  9 нафар тарроҳи ватанӣ намунаҳои тарроҳии худро пешкаши иштирокдорон гардониданд. Инчунин  дар ҷараёни Ҳафтаи мӯд брендҳои ҷаҳонӣ, ки ба истеҳсоли либос машғуланд, иштирок  менамоянд.

Ҳафтаи мӯд ҳамчун таҷрибаи пешқадами соҳа  дар аксари кишварҳои хориҷӣ эътироф гардида,  соли чорум аст, ки дар Тоҷикистон  ташкил карда мешавад ва он то 4 апрел идома меёбад.

 

АКСҲО: Вазорати саноат ва технологияҳои муосир

Апрель 3, 2021 12:40

Хабарҳои дигари ин бахш

Ғолибони озмуни Ассамблеяи байналмилалии пойтахтҳо ва шаҳрҳои калон «Шаҳр дар оинаи ВАО-2020» бо дипломҳо сарфароз шуданд
«Ӯ КИСТ ВА АЗ КУҶОСТ, КИ ДАР АДАБИЁТИ ОЛАМ ИН ГУНА ҚИЁМАТ БАРПО КАРДААСТ?». Андешаҳои доктори илми фалсафа, профессор Хуршед Зиёӣ дар бораи зодгоҳ ва мансубияти этникии Мавлоно Ҷалолиддин Румии Балхӣ
Ҳар ҳафта рӯзҳои истироҳатӣ дар боғҳои пойтахт барномаҳои фарҳангӣ доир карда мешаванд
Дар Донишгоҳи давлатии Хуҷанд даври аввали Озмуни ҷумҳуриявии «Илм — фурӯғи маърифат» оғоз шуд
Дар ноҳияи Шамсиддини Шоҳин бахшида ба бузургдошти Мирзо Турсунзода маҳфили маърифатӣ доир шуд
«АНДАЛЕБ 2021». Санъатдӯстони ноҳияи Муъминобод ба даври ҷумҳуриявӣ роҳхат гирифтанд
Исмоил Сафаров соҳиби «Ҷоми раёсати Донишкадаи сайёҳӣ, соҳибкорӣ ва хизмат» гардид
«ПАРАСТУ-2021». Даври ниҳоии Фестивал-озмуни ҷумҳуриявии театрҳои касбӣ охири моҳи май баргузор мегардад
Дар Душанбе Рӯзҳои кинои Ӯзбекистон баргузор мешаванд
Мигел дар бораи суруди «Зани Рус»-и Манижа: «Вақте ки бори аввал онро шунидам, гиряам омад»
С. Ятимов: «Дар таълимоти Пешвои миллат илм, дониш, маърифат ва фарҳанг аз омилҳои наҷотбахши давлати миллӣ дар замони ҷаҳонишавӣ мебошанд»
Дар Донишкадаи кӯҳию металлургии Тоҷикистон форуми саноатӣ баргузор гардид

Маводҳои таҳлилӣ