Баҳодур Усмонов ва Шаббос Негматуллоев барандаи медали биринҷии Чемпионати Осиё оид ба бокс шуданд
ДУШАНБЕ, 31.05.2021 /АМИТ «Ховар»/. Ду муштзани маъруфи тоҷик Баҳодур Усмонов ва Шаббос Негматуллоев барандаи медали биринҷии Чемпионати Осиё оид ба бокс шуданд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Қобили зикр аст, ки муҳорибаҳои ин варзишгарони шинохта дар даври нимфинали Чемпионати Осиё оид ба бокс хеле ҷолиб баргузор шуд. Баҳодур Усмонов дар вазни 60кг аз намояндаи Ҳиндустон Шива Тана, Шаббос Негматуллоев дар вазни 81кг аз варзишгари Ӯзбекистон Дилшод Рӯзметов бо қазовати доварон мағлуб гардиданд.
Баҳодур ва Шаббос бо медали биринҷӣ ва ҷоизапулӣ дар ҳаҷми 2500 доллари ИМА сарфароз хоҳанд шуд. Як рӯз қабл варзишгаронамон миёни бонувон низ ду медали биринҷӣ ба даст оварданд: Миҷгона Самадова дар вазни 57кг, Шоира Зулқайнарова дар вазни 60кг.
Хотиррасон мешавем, ки Чемпионати Осиё оид ба бокс 24 май дар шаҳри Дубай оғоз шуд ва муҳорибаҳои финал, имрӯз, 31 май баргузор мешавад. Мавриди зикр аст, ки дастаҳои мунтахаби Ӯзбекистон, Қазоқистон, Муғулистон, Ҳиндустон, Эрон ва Индонезия ба даври финал роҳ ёфтанд.
Ёдрас мешавем, ки Баҳодур Усмонов ва Шаббос Негматуллоев, ки аз дастгирии молиявии Кумитаи олимпӣ бархурдоранд,Ҷумҳурии Тоҷикистонро дар Бозиҳои олимпии Токио намояндагӣ мекунанд. Бозиҳои олимпӣ аз 23 июл то 8 августи соли равон баргузор мешавад.
АКС аз КМО Тоҷикистон
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
