Барои гирифтани маълумотнома оид ба ташхиси бемории COVID метавонед ба Озмоишгоҳи миллии референсӣ муроҷиат намоед

Май 6, 2021 15:50

ДУШАНБЕ, 06.05.2021 /АМИТ «Ховар»/. Муассисаи давлатии «Озмоишгоҳи миллии референсӣ» бо назардошти афзудани талаботи шаҳрвандони мамлакат барои гирифтани маълумотнома оид ба ташхиси бемории COVID-19, ки ба хориҷи кишвар сафар менамоянд,  ташхиси дурусту дақиқ ва саривақтӣ пешниҳод менамояд.

Тавре аз Муассисаи давлатии «Озмоишгоҳи миллии референсӣ» ба АМИТ «Ховар» иттилоъ доданд, натиҷаи ташхиси тестии шаҳрвандон барои муайян намудани бемории коронавирус дар озмоишгоҳ бо се забон: тоҷикӣ, русӣ ва англисӣ давоми 5-6 соат омода ва пешниҳод карда мешавад.

Дар озмоишгоҳи мазкур тамоми шароити корӣ фароҳам оварда шуда,  таҷҳизоти муосири он имконият медиҳанд, ки ташхисҳои ниҳоят дақиқ бо сифати баланд, ҷавобгӯ ба талаботи байналмилалӣ ва сарфи ками неруи инсонӣ ба мизоҷон пешниҳод гарданд.

Инчунин вазифаи Озмоишгоҳи миллии референсӣ аз гузаронидани баҳодиҳии сифати тамоми озмоишҳои клиникӣ, биокимиёвӣ, иммунологӣ, бактериологӣ ва вирусологӣ иборат  мебошад.

Дар пайи ба эътидол омадани вазъи санитарию эмидемиологӣ, махсусан вазъи бемории COVID-19 дар Тоҷикистон  пас аз моҳҳо қатъ гардидани парвозҳои ҳавоӣ бо кишварҳои хориҷӣ, хушбахтона, миёни Ҷумҳурии Тоҷикистон  ва якчанд кишварҳо, хосатан Россия парвозҳои ҳавоӣ аз нав оғоз гардиданд.

Тибқи талабот, аз ҳар шаҳрванди хориҷие, ки ба ин ё он давлат сафар  менамояд, дар баробари дигар ҳуҷҷатҳо ҳатман маълумотнома оид ба ташхиси бемории коронавирус талаб карда мешавад.

Суроғаи Озмоишгоҳи миллии референсӣ:  ш. Душанбе, шаҳраки Шифобахш (Қараболо).

Май 6, 2021 15:50

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд