БО ШУҒЛ ФАРО ГИРИФТАНИ ҶАВОНОН — ОМИЛИ КАМ ШУДАНИ СОДИРШАВИИ ҶИНОЯТ. Дар Тоҷикистон ҷавонони бешуғл ном ба ном рӯйхат карда мешаванд
ДУШАНБЕ, 21.05.2021. /АМИТ «Ховар»/. Дар Ҷумҳурии Тоҷикистон ҷавонони бешуғл ном ба ном рӯйхат карда шуда, ҷиҳати то соли 2025 соҳибкасб намудани ҷавонони то 25-сола чораҳои мушаххас андешида мешаванд.
Дар робита ба ин, имрӯз зимни мулоқот бо ҷавонони кишвар Президенти мамлакат муҳтарам Эмомалӣ Раҳмон бо дарназардошти ҳалли мушкилоти вобаста ба шуғли ҷавонон Кумитаи кор бо ҷавонон ва варзишро вазифадор карданд, ки якҷо бо Вазорати меҳнат, муҳоҷират ва шуғли аҳолӣ рӯйхати ном ба номи ҷавонони бешуғлро таҳия намуда, дар иртибот ба супориши Паёми Роҳбари давлат дар хусуси то соли 2025 соҳибкасб намудани ҷавонони то 25-сола ва махсусан, бо роҳи зиёд кардани курсҳои касбомӯзӣ чораҳои мушаххас андешанд.
«Таъкид месозам, ки бо шуғл фаро гирифтани ҷавонон, яке аз роҳҳои муассири рушди иқтисодӣ ва дар айни замон, омили кам шудани содиршавии ҷиноят ва дигар намуди ҳуқуқвайронкуниҳо аз ҷониби онҳо мебошад», — тазаккур доданд Сарвари давлат.
Мавриди зикр аст, ки танҳо дар соли 2020 аз ҷониби ҷавонон ё бо иштироки онҳо беш аз 4900 ҷиноят содир шудааст, ки қисми зиёди онро ҷавонони бекор содир намудаанд.
Шореҳи адабии АМИТ «Ховар», Шоири халқии Тоҷикистон Камол Насрулло гаравиши аксари наврасону ҷавононро ба амалҳои номатлуб аз бекорӣ, беҳадафию бедонишӣ арзёбӣ мекунад.
«Ба андешаи мо, яке аз роҳҳои ба самти солим бурдани зиндагӣ ва амалиёти наврасону ҷавонони мо андешидани чораву машғулиятҳои муфид ва манфиатоварест, ки ҳам ононро машғул медоранд ва ҳам барои камолоти инсонияшон раҳнамоӣ мекунанд. Омӯхтану гирифтани баъзе таҷрибаҳои неку баманфиат аз гузаштаи наздикамон низ ба манфиати кор хоҳад буд. Банда ба ба ёд меорам, ки дар замони наврасиамон дар мактабҳо, хонаҳои пионерон ва ғайра маҳфилу машғулиятҳои ҳунарии зиёде берун аз дарс амал мекарданд, ки аксари мактаббачагон шомили онҳо буданд ва дар он ҷо ҳунаре, пешаеро аз чӯбкорӣ, ҳатто кор бо дастгоҳи коркарди оҳан то гилкорию рассомию навозандагӣ ва ронандагӣ меомӯхтанд. Хуб мебуд он таҷрибаи муфид имрӯз ҳам барқарор карда шавад», — зикр намуд шоир.
АКС: Хадамоти Президенти ҶТ/АМИТ «Ховар»
ПАРЧАМЕ, КИ БАЛАНД АСТ ВА САРИ МОРО ҲАМЕША БАЛАНД МЕДОРАД. Андешаҳои Шоири халқии Тоҷикистон Камол Насрулло дар ин хусус
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон ба ин савол посух дод
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
ТАШАББУСИ ШОИСТАИ ПЕШВОИ МИЛЛАТ ОИД БА ТАҲКИМИ СУЛҲ БА ХОТИРИ НАСЛҲОИ ОЯНДА. Дар ҳошияи пешниҳоди Президенти Тоҷикистон вобаста ба қабули қатъномаи махсуси СММ оид ба «Даҳсолаи таҳкими сулҳ ба хотири наслҳои оянда»
ГЕОСТРАТЕГИЯ ВА ГЕОПОЛИТИКАИ ПРЕЗИДЕНТИ ТОҶИКИСТОН ДАР ДАВРОНИ СОҲИБИСТИҚЛОЛӢ. Ба Рӯзи Президент бахшида мешавад
Дар Душанбе бахшида ба Рӯзи Президент ҳамоиш баргузор шуд
Дар Академияи идоракунии давлатӣ бахшида ба Рӯзи Президент конференсияи ҷумҳуриявии илмӣ-амалӣ гузаронида шуд
