Дар Ховалинг гӯштини миллӣ дар сатҳи баланд ва бо шаҳомати хосса доир гардид
ДУШАНБЕ, 17.05.2021 /АМИТ «Ховар»/. 16 май дар мавзеи зебоманзари Чилчанори ноҳияи Ховалинги вилояти Хатлон мусобиқаи ҷумҳуриявии гӯштини миллӣ, ки бо иқдом ва дастгирии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ роҳандозӣ гардида буд, дар сатҳи баланд ва бо шукӯҳи шаҳомати хос баргузор гардид.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар мусобиқаи мазкур паҳлавонон на танҳо аз тамоми минтақаҳои ҷумҳурӣ, балки аз кишварҳои Федератсияи Россия ва Ҷумҳурии Ӯзбекистон низ ширкат варзиданд.
Дар ин мавзеи хушбоду ҳаво барои тамошои ҷараёни мусобиқа ҳаводорони гӯштин бо теъдоди беш аз 50 ҳазор ҷамъ омада буданд.
Мусобиқаи гӯштини миллӣ аз қувваозмоии паҳлавонони наврасу ҷавон, писарону духтарбачаҳо оғоз ёфта, бо ҳунарнамоии паҳлавонони машҳур анҷом пазируфт.
Паҳлавонони номдори Тоҷикистон, ба монанди Темур Раҳимов, Шакармамад Мирмамадов, Хуршед Маҷидов, Фирдавс Насимов, инчунин варзишгарони маъруфи Федератсияи Россия Валерий Ендовитский, Станислав Вологидский ва Зоидҷон Ҳусейнов, Муҳсин Ҳисомиддинов аз Ҷумҳурии Ӯзбекистон ба майдон баромада, ҳунари гӯштингирии худро нишон доданд. Махсусан қувваозмоии паҳлавони тоҷик Темур Раҳимов бо гӯштингири номвари ӯзбекистонӣ Муҳсин Ҳисомиддинов, паҳлавони рус Валерий Ендовитский бо гӯштингири дигари Ӯзбекистон Зоидҷон Ҳусейнов хеле ҷолиб сурат гирифт.
Ба ғолибон дар маросими тантанавӣ туҳфаҳои қиматнок, аз қабили мошинҳои сабукрав, шутур, гов, гӯсфанд, телевизор, мошинаи ҷомашӯӣ, қолин, маблағҳои пулӣ ва дигар ҷиҳоз тақдим карда шуданд.
Миёни паҳлавонони ғолиб аъзои Шӯрои ҷумҳуриявии «Динамо»-и Вазорати корҳои дохилӣ Шарифҷон Назриев, Абубакри Акобир ва махсусан корманди собиқадори ШВКД дар ноҳияи Ховалинг, сержанти милитсия Сафар Абдуалимов бо маҳорати баланд ба натиҷаҳои назаррас ноил гардиданд.
Барои дар сатҳи баланд доир намудани мусобиқа саҳми кормандони Вазорати корҳои дохилӣ, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, федератсияҳои варзишии дахлдори кишвар, мақомоти иҷрояи ҳокимияти давлатии вилояти Хатлон ва ноҳияи Ховалинг назаррас буд.
АКСҲО аз ВКД ҶТ
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
