ФУТБОЛ. Бозии дастаҳои мунтахаби Тоҷикистон ва Тайланд бо ҳисоби мусовӣ анҷом ёфт

Май 31, 2021 10:28

ДУШАНБЕ, 31.05.2021 /АМИТ «Ховар»/.  Бозии рафиқона миёни дастаҳои мунтахаби Тоҷикистон ва Тайланд, ки 29 май дар шаҳри Шарҷаи Амороти Муттаҳидаи Араб доир гашт, бо ҳисоби мусовӣ – 2:2 анҷом ёфт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дастаи мунтахаби Тоҷикистон оид ба футбол  бозиро бо ҳисоби 0:2 мебохт, вале ташаббус ба даст гирифта, тавонист дар охири дидор бозиро мусовӣ кунад. Дар ҳайати  дастаи мунтахаби Тоҷикистон голҳоро Эҳсони Панҷшанбе ва Ислом Зоиров ба нишон расониданд.
Ҳамчунин 24 майи соли равон, дастаи мунтахаби Тоҷикистон бо дастаи мунтахаби  Ироқ низ бозии рафиқона доир кард, ки бидуни гол  (0:0) ин сабқат хотима ёфта буд.

Мавриди зикр аст,ки  дастаи мунтахаби Тоҷикистон дар ҷамъомади машқӣ-таълимӣ дар Дубай то 3 июн мемонад ва баъдан барои анҷом додани ду бозии боқимондаи марҳилаи интихобии Чемпионати ҷаҳон-2022 дар гурӯҳи «F» муқобили  дастаҳои мунтахаби  Ҷопон (7 июн) ва Мянма (15 июн) ба шаҳри Осакаи Ҷопон сафарбар мегардад.

Бозии рафиқона

Тайланд – Тоҷикистон – 2:2

Голҳо: Муеанта Суфанат, 50 (1:0). Муеанта Суфанат, 58 (2:0). Эҳсони Панҷшанбе, 63 (2:1). Ислом Зоиров, 89 (2:2).

Тоҷикистон: Рустам Ятимов, Ваҳдат Ханонов, Давронҷон Эргашев (Зоир Ҷӯрабоев, 77), Аҳтам Назаров, Манучеҳр Сафаров, Муҳаммадҷон Раҳимов (Нуриддин Ҳамроқулов, 46), Эҳсони Панҷшанбе, Комрон Турсунов (Рустам Соиров, 46), Илҳомҷон Баротов (Шериддин Бобоев, 46, Парвизҷон Умарбоев, 72), Алиҷони Айнӣ (Ислом Зоиров, 46), Шаҳром Самиев.

Сардовар: Султон Муҳаммад Солеҳ (АМА).

29 май. Шарҷа, АМА. Варзишгоҳи Халид ибни Муҳаммад.

                                                                                                          Акс аз ФФТ

Май 31, 2021 10:28

Хабарҳои дигари ин бахш

Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад