Гӯштингирони тоҷик аз роҳхатҳои Бозиҳои олимпӣ бенасиб монданд

Май 11, 2021 09:50

ДУШАНБЕ, 11.05.2021 /АМИТ «Ховар»/. Паҳлавонони тоҷик аз  намуди гӯштини варзишӣ натавонистанд роҳхати Бозиҳои олимпии Токиоро ба даст оваранд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Мусобиқаи ниҳоии интихобӣ оид ба гӯштин барои иштирок дар  Бозиҳои олимпии Токио 6-9 май дар  шаҳри Софияи Булғористон баргузор шуд.

Аз Ҷумҳурии Тоҷикистон  дар ин мусобиқаи сатҳи ҷаҳонӣ  5 варзишгар иштирок карданд, вале натавонистанд соҳиби роҳхати олимпӣ гарданд:

Гӯштини тарзи озод
57кг – Муҳаммад Икромов
86кг – Баҳодур Қодиров
125кг – Искандари Рустамов

Гӯштини юнонӣ-румӣ
60кг – Фирӯз Мирзораҷабов
77кг – Далер Ризозода

Муҳаммад Икромов дар вазни 55кг ҷои панҷум, Искандари Рустам дар вазни 125кг ҷои ҳафтум ва Фируз Мирзораҷабов дар вазни 60кг ҷойи нуҳумро сазовор шуданд.

Тибқи иттилои сомонаи расмии Иттиҳоди ҷаҳонии гӯштин, дар Мусобиқаи интихобии олимпии ҷаҳонӣ дар София 474 варзишгар аз 84 давлати дунё ширкат доштанд.

Хотиррасон мешавем, ки дар Бозиҳои олимпӣ аз рӯи намуди гӯштин 288 варзишгар (192 мард, 96 зан) аз тамоми ҷаҳон ширкат мекунанд ва дар 18 категорияи вазнӣ (равияи тарзи озод — 6 вазн миёни мардон, 6 вазн миёни бонувон ва равияи юнонӣ-римӣ — 6 вазн миёни мардон) барои ҷоизаҳои олимпӣ талош менамоянд.

Ҳамин тариқ, намояндагони 60 давлат имкони иштирок дар Бозиҳои олимпии Токиоро пайдо намуданд. Аз ҳама бештар Россия (17), Штатҳои Муттаҳида (15), Япония (12), Эрон, Чин ва Қазоқистон (11) роҳхатҳои олимпиро сазовор гардиданд. Дар гӯштини озод Эрон ва Россия бо ҳайати мукаммал (6 нафар) ба Токио сафар мекунанд. Дар гӯштини бонувон Чин, Япония, Муғулистон, Россия ва Штатҳои Муттаҳида дастаи мунтахабашонро пурра карданд (6 нафар).

                                                                                                                                          Акс аз манбаъҳои боз

Май 11, 2021 09:50

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд