Гулсунбӣ Шарифова ба Тоҷикистон ду медали тилло овард

ДУШАНБЕ, 22.05.2021 /АМИТ «Ховар»/. Дар мусобиқаи байналмилалӣ бахшида ба Мураббии шоистаи Ӯзбакистон Геннадий Арзуманов, Гулсумбӣ Шарифова дар ҳайати дастаи мунтахаби Тоҷикистон дар масофаҳои 100 ва 200 метр ду медали тилло ба даст овард, хабар медиҳад АМИТ Ховар бо истинод ба Sputnik.

Пойгаи дуввум бо натиҷаи 22,72 сония ба ӯ на танҳо медали дараҷаи олӣ, балки меъёри муайянкардаи Варзиши сабуки ҷаҳониро дар масофаи 200 метр овард. Дар сурати тасдиқи он аз ҷониби Федератсияи варзиши сабуки ҷаҳонӣ ӯ роҳхати Бозиҳои олимпии Токио-2020-ро ба даст меорад.

Пас аз бозгашт аз Тошканд давандаи тоҷик дар бораи баромади худ изҳори назар кард.

«Ман фикр мекунам, ки ин раванд мураккаб нест ва ба зудӣ ҳама чиз мусбат ҳал хоҳад шуд. Оё ман худам аз натиҷа қаноатмандам? Бале, шукри Худо, мо тавонистем меъёрро иҷро кунем. Аммо ман метавонам аз ин ҳам беҳтар бошам. Масофаи дӯстдоштаи ман 200 метр аст, аммо як рӯз пеш ман дар масофаи 100 метр нишондиҳандаи хуб нишон додам», — гуфт Шарифова ба Sputnik Тоҷикистон.

Ба гуфтаи вай, пас аз давидан ба масофаи 100 метр дар масофаи дуюм, варзишгар худро заифтар ҳис кард ва ба иҷрои меъёр фавран бовар накард.

«Эҳтимол, ҳама чиз сари ҳаяҷон буд. Наздиктар ба финал, ман ором шудам ва давиданро, тавре ки бо мураббӣ Рустам Абдуллоев ба нақша гирифта будем, ҳамон тавр анҷом додам. Ба ман иттилоъ доданд, ки натиҷаи 200 метр меъёри олимпӣ аст. Албатта, ман хеле шодам, аммо ман мефаҳмам, ки ҳоло ҳам қобилияти бештар дорам», — гуфт Шарифова.

Даванда инчунин сирри асосии муваффақиятро кушод. Ба гуфтаи вай, ҳама бояд ба худ ва неруи худ бовар кунанд.

«Ман дар як рӯз ду ва баъзан се маротиба машғулият мекунам, худро пурра ба варзиш бахшидаам ва ин натиҷа медиҳад», — гуфт Шарифова.

Ба  нақшаҳои ояндаи варзишгар омодагии пурра ба Олимпиада ва  дар он ҷо сазовор нишон додани  маҳорати худ  дохил мешаванд.

Ба гуфтаи мураббии калони дастаи варзиши сабук Ғайрат Негматов, иҷрои меъёри Шарифова барои Тоҷикистон бурди калон аст.

«Дар ин ҳолат, мо боз як квотаи дигар хоҳем дошт. Эҳтимолан мард. Шарифова стандарти олимпӣ нишон дод, яъне ба мо боз як ҷои дигарро додан лозим аст. Мо воқеан ба ин умед мебандем, — гуфт мураббӣ.

Имрӯз Тоҷикистон расман се литсензия дорад. Бо назардошти тасвиби натиҷаи Гулсумбӣ Шарифова, муштзанҳо Шаббос Негматуллоев ва Баҳодур Усмонов низ ба Токио мераванд.

                                                      АКС аз бойгонии шахсии Г. Шарифова