Мавқеи Тоҷикистон дар раддабандии нави ФИФА муайян шуд

ДУШАНБЕ, 27.05.2021 /АМИТ «Ховар»/. Имрӯз, 27 май Федератсияи байналмилалии футбол   рейтинги нави худро нашр намуд, ки тибқи он дастаи  мунтахаби Тоҷикистон мавқеашро иваз накарда, бо касби 1151.1 имтиёз дар зинаи 121-ум қарор гирифт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дар байни кишварҳои Осиё аз ҳама натиҷаи беҳтарро дастаи мунтахаби Япония дорад, ки бо касби 1509.34 хол дар зинаи 28-уми раддабандӣ қарор дорад. Дар раддабандии КФО дастаи мунтахаби Тоҷикистон дар ҷои 22-юм ҷой дорад. Дар феҳристи раддабандии ҷадиди ФИФА дастаи мунтахаби   Белгия бо 1783.38 имтиёз дар зинаи якум, дастаҳои  мунтахаби  Франсия бо 1757.3 имтиёз дар ҷойи дуюм ва Бразилия бо 1742.65 имтиёз дар ҷойи сеюм қарор доранд.

Топ-10 рейтинги ФИФА дар айни ҳол ба таври зайл аст:

1. Белгия (1783.38)
2. Франсия (1757.3)
3. Бразилия (1742.65)
4. Англия (1686.78)
5. Португалия (1666.12)
6. Испания (1648.13)
7. Италия (1642.06)
8. Аргентина (1641.95)
9. Уругвай (1639.08)
10. Дания (1631.55)

…

121. Тоҷикистон (1151.1).

                                                                                                                                                        Акс аз ФФТ